Zerbitzuen koiuntura-indizea

Identifikazioa

Eragiketaren izena.
Zerbitzuen koiuntura-indizea
Eragiketaren kodea.
132903 (Euskal Estatistika Plana)
Erakunde arduraduna.
Eustat
Maiztasuna.
Hiruhilekoa
Eragiketa-mota.
Laginketa bidezko inkesta
Metodologia, datuen jatorriari jarraiki.
Oinarrizko datuak laginketa bidez biltzen dira

Helburuak

Eragiketa honen helburua da, Euskal AEko zerbitzuen sektorea nahiz haren azpisektoreak kontuan hartuta, koiunturazko adierazle bat lortzea salmenten eta langile okupatuen bilakaeraren inguruan.

Beraz, honako aldagai hauek aztertu dira:

- Landunak: soldatako langileak (finkoak eta behin-behinekoak) eta soldatarik gabekoak (autonomoak). Landunek hiruhilekoan izan duten batezbestekoa ematen da.

- Salmenten ziozko sarrerak: enpresak bere establezimendu guztietan egin duen fakturazio osoa hartzen da, BEZik gabe. Lurralde historikoka bereizten dira.

Eremua

Biztanleria-eremua:

Zerbitzuen koiunturari buruzko indizearen biztanle-eremuan sartzen dira merkataritza sektorea; garraioa eta biltegiratzea; ostalaritza; informazioa eta komunikazioak; jarduera profesionalak, zientifikoak eta teknikoak, eta administrazio jarduerak eta zerbitzu lagungarriak. Horiek guztiak, alabaina, EJSN 09n sailkatuta egon behar dira behean adierazi bezala:

A. Merkataritza: jarduera nagusia handizkako merkataritza (46. mota), txikizkako merkataritza (47. mota) edo ibilgailuen eta motozikleten salmenta eta konponketa (45. mota) duten establezimenduak.

B. Bestelako zerbitzuak: jarduera nagusia garraioa eta biltegiratzea (H atala), ostalaritza (I atala), informazioa eta komunikazioak (J atala), jarduera profesionalak, zientifikoak eta teknikoak (M atalaren zati bat) edo administrazio jarduerak eta zerbitzu lagungarriak (N atalaren zati bat) duten establezimenduak.

Geografia-eremua:

Zerbitzuen koiunturari buruzko indizea autonomia erkidegoen zein lurralde historikoen arabera kalkulatzen da.

Denbora-eremua:

Zerbitzuen koiunturari buruzko indizea hiru hilean behin egiten da, indizerako lagina osatzen duten establezimenduetako guztizko salmenta-bolumenen eta landunen hiruhileko bakoitzerako datuak oinarritzat hartuta.

Indizearen oinarrizko aldia edo erreferentzia 2010 da.

Kontzeptuak eta Definizioak

Kontzeptuak eta Definizioak

Galdeketak

Galdeketak

Laginketa-era

Unitate estatistiko gisa enpresa erabiltzen da –Euskal AEn burutzen duen jarduera-zatian- jarduera ekonomiko nagusia biztanle-eremu barneko zerbitzuetakoren baten prestazioa denean.

Laginaren diseinuak probabilitate-laginketa hartzen du oinarri moduan, bi fasetan: lehenengoan, 50 langile edo gehiago dituzten unitate guztiak hautatuko dira "bat" probabilitatearekin; bigarren fasean, ausazko laginketa estratifikatua egingo da.

Zabalkundea

  • Internet: www.eustat.eus
  • Prentsa-oharrak
  • Estatistika taulak
  • Datu bankua (serieak)
  • EUSTATen estatistika urtekaria (urtero).

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali