HomeDokumentazioaDokumentazio zehatzakMetodologiaUdalplan. Informazio geografikoko sistema eta lurraldekako datuen bankua

Udalplan. Informazio geografikoko sistema eta lurraldekako datuen bankua

Identifikazioa

Eragiketaren izena.
Udalplan. Informazio geografikoko sistema eta lurraldekako datuen bankua
Eragiketaren kodea.
200206 (Euskal Estatistika Plana)
Erakunde arduraduna.
Ingurumen eta Lurralde Politika Saila
Beste organismo parte-hartzaileak.
Eustat, foru aldundiak eta udalak
Gai-eremua.
Estatistika-azpiegitura
Maiztasuna.
Urtekoa
Eragiketa-mota.
Bilduma
Metodologia, datuen jatorriari jarraiki.
Administrazio erregistroen bidez jasotako informazio-datuak biltzea, batez ere, Lurralde Plangintzaren eta Hirigintzaren Zuzendaritzaren jardueraren ondorioz; udal eta foru-aldundiekin dituzten komunikazioetan eta aldizkari ofizialetan argitaratutakoak.

Helburuak

Udalerrietako planeamenduaren egoeraren berri bildu eta zabaltzea.

Kartografia eta horren inguruko informazio alfanumeriko bidez, plangintzaren arlo bakoitzeko egoeraren berri ematea, honako ezberdintasunak aintzat hartuta: bizitegi-erabilera duen lurzorua, eta jarduera ekonomikora bideratutako lurzorua, -eraikitzeko gaitasuna aipatu behar da-, sistema orokorretako lurzoruak eta lurzoru ez urbanizagarriak.

Azken finean, EAEko lurzoruari buruz eguneratutako informazioa eskaintzea, gehieneko sistematizazio-mailarekin, honako helburuok bete ditzan:

- Lege berriak ezartzen dituen helburuak betearaztea, administrazio publikoak hirigintza arloan duen eskumena aintzat hartuta. Legebiltzarrak onartutako Lurzoruari eta Hirigintzari buruzko ekainaren 30eko 2/2006 Legearen I Tituluan Xedapen eta Printzipio Orokorrak, eta II Kapituluko hirigintzaren Printzipio Orokorren 4. artikuluak “interes publikoaren nagusitasunaren printzipioak” eta 9. artikuluak “jendaurreko informazioaren printzipioak”.

- Lurraldearen Antolamendurako Legean jasotzen diren antolatzeko erak garatzeko oinarri gisa erabiltzeko.

- Profesional, organismo edo erakundeentzat erabilgarri izatea, eta, gerora, lurralde- eta hirigintza-antolamenduarekin lotutako esperientzia berrientzat euskarri gisa erabiltzeko.

- Plangintzaren arlo guztien egoeraren berri eman, ezberdindu egin behar delarik bizitegietarako lurzoruaren, jarduera ekonomikoetarako lurzoruaren, sistema orokorren eta lurzoru urbanizaezinen artean.

Ikertuko diren aldagai nagusiak

Informazioa udalerrika:

- Azalera, herritarrak, indarrean dagoen plangintza.

Arlo bakoitzerako bizitegi-lurzorua:

- Dagoen etxebizitza kopurua, aurreikusitakoak (libreak, BOE eta tasatuak).

Ekonomia jardueretarako lurzoruak:

- Okupatua eta hutsik dagoen lurzorua.

Eremua

Populazio-eremua:

Aipatu berri den biztanle kopurua da Euskal Autonomia Erkidegoko udalerriek batuta osatzen dutena. Horretarako, "Udalerriko fitxak" egiten dira, zeintzuetan lortu den informazio guztia laburtu eta antolatu egiten baiten, urtarrilaren 1eko epe mugarekin urtero-urtero.

Udalerri, Arlo Funtzional, Probintzia edo Lurralde Historikoen eta Autonomia Erkidegoaren arabera informazioa biltzen da.

Lurralde-eremua:

Aintzat hartzen den geografia-esparrua Euskal Autonomia Erkidegoko udalerriak dira. Laburpen-taulak taldekatuta daude Udalerri, Arlo Funtzional, eta Lurralde Historikoen datu totalen arabera.

Denbora-eremua:

t urteari dagozkion Udalplaneko datuak izapidetzerakoan, t urteko urtarrileko epemugarekin, behin betiko eta behin-behineko onarpena eta etete partziala duten plangintzen inguruko dokumentuen informazioa jasotzen dute. Datuak urtean behin argitaratzen dira.

Kontzeptuak eta definizioak

Kontzeptuak eta definizioak

Zabalkundea

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali