HomeGaiakBiztanleriaPrentsa Oharrak Euskal AEko biztanle...

2018/12/11ko prentsa-oharra

BIZTANLEEN UDAL ESTATISTIKA 2018KO URTARRILAREN 1EAN

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko biztanle atzerritarren artean amerikarrak dira nagusi

150.000 atzerritar baino gehiago daude Euskal AEn

2018ko urtarrilaren 1ean biztanleen %7, 152.187 pertsona, atzerritarrak dira Euskal AEn, Eustaten datuen arabera. Portzentajea apur bat ezberdina da lurraldearen arabera: Arabak du proportzio altuena, %8,7rekin; ondoren Gipuzkoa dator, %7,2rekin; azkenik, Bizkaia, %6,4rekin.

Euskal AEko atzerriko egoiliarren artean, amerikarrak %35 dira; Espainia osoan, %24. Nikaragua, Kolonbia, Bolivia eta Paraguaikoak dira talde horretan gailentzen, atzerritar guztien %18,2 eta amerikarren %51,8. Sexuari dagokionez, egoiliar amerikarren artean %63 dira emakumeak.

Aldiz, Euskal AEn bizi diren europarrak atzerritarren %26,9 dira; Espainian, %48. Talde horretan nabarmentzen dira Errumaniakoak, atzerritar guztien %12,2, europarren %45,2, ehuneko 15 puntu gehiago Espainian baino. Bigarrenik, nahikoa urruti halarik ere, Portugal, Euskal AEn bizi diren atzerritarren %15,2rekin. Sexuen araberako partiketan ez da ia alderik gizatalde horretan.

graf0015939_01_e.png

Afrikako herrialdeak Euskal AEn %28,7ko proportzioa dira –%20,3koa Espainian– eta afrikarren erdiak Marokokoak dira (%50,3.). Ondoren datoz Aljeria, Nigeria eta Senegal, %13,3, %10,4 eta %10,2rekin, hurrenez hurren. Lau nazionalitate horietarikoak dira afrikarren %84,2. Sexuari dagokionez, %60 baino gehiago gizonak dira, herrialde amerikarretakoen kasuaren aldean kontrakoa.

Azken tokian daude Asia edo Ozeaniatik etorritakoak, atzerritarren %9,3; horien artean, nagusi Txina eta Pakistangoak, talde horretako %78,6.

Afrikarrak Araban, amerikarrak Bizkaian eta europarrak Gipuzkoan

Araban afrikarrak dira gehiengoa duen kolektiboa (%38). Amerikarrak, ordea, ia %26 dira, eta horietarik ia laurdenak Kolonbiakoak. Errumaniakoak europarren %29 dira. Marokokoak, afrikarren ia erdiak (%48,1); eta ondoren Aljeriakoak eta Nigeriakoak daude. Pakistangoak Asiatik etorritakoen %56,8 dira.

Bizkaian amerikarrak dira nagusi (%38); nabarmendu egiten dira horietan Bolivia, Paraguai, Kolonbia eta Nikaraguakoak, ia %60. Europarren artean, Errumaniakoak nagusi (%60); afrikarren artean, Marokokoak (%46,2); asiarren artean, Txinakoak (%55) eta Pakistangoak (%21).

Nolabaiteko oreka dago Gipuzkoan europarren eta amerikarren artean. Azpimarratzekoa, Hondurastik etorritakoen tamaina, nazionalitate horretakoen ia %68 Euskal AE osoan. Errumaniarrak ez dira hain ugariak Gipuzkoan beste lurraldeen aldean. Afrikarrak prorportzio txikienean dira Gipuzkoan Euskal AEn; gehienak marokoarrak dira (%58,5), ondoren aljeriarrak eta senegaldarrak. Asiarren artean, pakistandarrak erlatiboki batezbestekoaren gainetik daude.

Atzerrian jaiotakoak 200.000 baino gehiago dira

2018ko urtarrilaren 1ean Euskal AEn atzerrian jaiotakoak 207.743 ziren, biztanle guztien %9,5. Horrek nahi du esan ezen gizatalde horretako 60.000 pertsona inguruk eskuratu dutela nazionalitate espainiarra edo jatorriz zutela zio familiarrengatik edo bestelakoengatik.

Espainian zen proportzioa %13,3koa zen. Puntu horretan, beraz, Euskal AE Gaztela eta Leonen, Galiziaren, Kantabriaren eta Andaluziaren pare dago. Autonomia-erkidego horietan atzerrian jaiotako herritarrak, gehienez, % 10era heltzen dira.

Euskal AE osokoa baino atzerrian jaiotako pertsonen portzentaje handiagoa dutenak 61 udalerri dira: 19 Arabakoak, eta horietarik 18 %10en gainetik daude, gehienak Errioxakoak. Hori hala bada ere, ehuneko handienak dituzten udalerriak barreiatuak daude: Izurtza, %18ren gainetik, Navaridas (%17,7), Berriatua (%17,7), Mañueta (%16) eta Ordizia (%15,9).

Beste muturrean, bost udalerritan ia ez dago atzerriko jatorria duten biztanlerik: hiru dira Gipuzkoakoak (Aduna, Mutiloa eta Orexa) eta bi Arabakoak (Lagran eta Harana). Biztanle gutxiko udalerriak dira, zeren handienak, Adunak, 480 biztanle baititu soilik, eta atzerrian jaiotakoen proportzioa %2ren azpitik da.

Hiru hiriburuek atzerrian jaiotakoen portzentaje handiagoak dauzkate Euskal AEk baino: Gasteizek handiena, %12,7, Bilbok %11,3 eta Donostiak %10,6 biztanle guztien artean.

graf0015939_02_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko biztanle atzerritarren artean amerikarrak dira nagusi

Eragiketa : 
Biztanleen udal estatistika
Eragiketa kodea : 
010154
Periodikotasuna : 
Urtekoa
Denbora arloa : 
2018
Eguneratze data : 
2018/12/11
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0015939_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali