2012/12/21eko prentsa-oharra

ETXERIK GABEKO PERTSONEI BURUZKO INKESTA 2012

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko etxerik gabeko pertsonen %60 atzerritarrak dira

Etxerik gabekoak %14 gehitu dira 2005etik, gaur egun 2.090 pertsona dira

Ostatu-zentroetan eta jantoki sozialetan 2012an artatutako pertsonak 2.090 izan ziren, 2005ean baino %14 gehiago, Eustatek INErekin batera eginiko Etxerik gabeko pertsonei buruzko inkestaren arabera. 2.090 pertsona horien %60 atzerritarrak dira (Espainian %45,8). %79 Afrikatik datoz, %9tik Amerikatik eta %8 Europatik. Gehienak Marokkotik (%44) eta Aljeriatik (%12).

Bizkaiak etxerik gabekoen %54 artatzen ditu, Gipuzkoak %30 eta Arabak %16

Euskal AEko etxerik gabekoen erdia pasa (1.139) Bizkaiko zentroetan artatzen da; Bilbo da etxerik gabeko gehien dituen hiriburua (1.057). Gipuzkoan artatutako 623 pertsonen %63 Donostian da. Arabako 328ak, Gasteizen.

Etxerik gabeko pertsonak nazionalitate eta sexuaren arabera 2012. Euskal AE. (%)

graf0010114_01_e.png

Iturria: Eustat. Etxerik gabeko pertsonei buruzko inkesta.

Etxerik gabeko pertsonen artean generoa mugarria da

Estatuan bezalatsu, etxerik gabekoen %81 gizonak dira; %19, emakumeak. Gizonen %63 atzerritarra da, emakumeen %46. Artatutakoen artean, gazte-multzoa da nagusi, 18-29 urtekoak, denen %35 (estatuan %19,3); 30-44 urte artekoak %32 dira, 45-64koak %31 eta 65etik gorakoak %2 besterik ez.

%46k hiru urte pasa egin ditu ostatu propiorik gabe

%40k ostatu kolektiboan lo egiten du; %49k erakunde publiko baten eta GKE baten etxe edo pentsio batean; %11k bizitzeko ez diren tokietan. %46k hiru urte pasa egin ditu ostatu propiorik gabe. %5ek dio elkarrizketa egunean ez duela jan; %27k ez du diru-sarrerarik; diru-sarrerak badituztenen artean %37k prestazio sozial batetik (IEO barne) eta %15ek GKE baten dohaintzetatik. Diru-sarreren %66 elikagaietan gastatzen dute.

graf0010114_02_e.png

Etxerik gabeko pertsonen %74k ez du alkoholik edaten

%24k gaixotasun larri edo kronikoa du; %15ek ezgaitasunen bat; %22 ospitalizatua izan da azken urtean. %74k dio ez duela alkoholik edaten; %65ek, ez dela drogatzen. Gehien kontsumitutako droga haxixa edo marihuana da.

Osasun-arazoez gain segurtasun-falta gehitu behar; izan ere, %20k erasoren bat pairatu du, eta %28k lapurretaren bat. %36 atxilotua izan da inoiz. Artatutakoen %88k kontaktua izan du gizarte zerbitzuetakoekin; %58k aldeko iritzia du izandako laguntzaz.

Etxerik gabekoen bilakaera Euskal AEn: gizon gehiago, gazteak eta atzerritarrak

2005etik 2012ra gizonak (%+23), gazteak (%+39) eta atzerritarrak (%+43) nabarmen gehitu dira etxerik gabekoen artean. Beheraka, berriz, emakumeak (%-14), 30-44 urte bitartekoak (%-9) eta espainiarrak (%-13). Lurraldeen artean alde handiak artatutakoen kopuruan: Araban (%-35), Bizkaian (%+36), Gipuzkoan (%+28).

Informazio gehiago:

Euskal Estatistika-Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Telef.: +34 -945 75 00 Faxa: +34 -945 75 01 e-mail: eustat@eustat.eus Harremanetarako pertsona: MªJosé Santamaría Gallardo Tel.: +34-945-01 75 48 Faxa: +34-945-01 75 01 ETXERIK GABEKO PERTSONEI BURUZKO INKESTA –prentsa ohar gehiago

Euskera
Produktuaren datuak
Produktuaren datuak

Euskal AEko etxerik gabeko pertsonen %60 atzerritarrak dira

Eragiketa : 
Etxerik gabeko pertsonen inkesta
Eragiketa kodea : 
061004
Periodikotasuna : 
Bost urtekoa
Denbora arloa : 
2012
Eguneratze data : 
2012/12/21
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0010114_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali