2019/08/07ko prentsa-oharra

INDUSTRIA-PRODUKZIOAREN INDIZEA. 2019KO EKAINA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko industri jarduera %0,8 gehitu zen 2019ko ekainean

Industri produkzioaren indizeak %0,7ko gehikuntza izan du 2019ko lehen seihilekoan

Eustaten datuen arabera, 2019ko ekainean %0,8 gehitu zen Euskal AEko industri produkzioa lan-egutegiko baldintza homogeneoetan 2018ko hil beraren aldean. 2019ko lehen sei hiletan %0,7ko hazkundea izan da 2018ko aldi beraren aldean.

Urtaroen eragina zuzenduta, %0,4 murriztu zen Euskal AEko industri produkzioa, 2019ko maiatzarekin alderatuta.

2019ko ekaineko indizearen bilakaerak, 2018koaren aldean, emaitza ezberdinak dakartza sektore industrial handietan. Ekipoko Ondasunak %0,2 jaitsi dira eta Bitarteko Ondasunak %0,1, baina Energia %4,8 igo da eta Kontsumoko Ondasunak, guztira, %2,6 gehitu dira. Horien barnean, Kontsumoko Ondasun Iraunkorrak dira igoeraren eragileak, %15,2 gehitu baitira, zeren Ez-iraunkorrak ez diren mugitu (%0,0).

2019ko ekaineko hil arteko aldakuntza, 2019ko maiatzaren aldean, oso bestelakoa izan da industri talde handietan. Energia %2,8 igo da, baina Ekipoko Ondasunak %1,6 jaitsi dira eta Bitarteko Ondasunak %1,1 murriztu dira. Kontsumoko Ondasunak, guztira, %0,4 jaitsi dira, zeren Ez-iraunkorrak %1,2 jaitsi diren eta Iraunkorrak %2,7 igo.

Euskal industriako pisurik handieneko sektoreen artean, hazkunderik handienak 2019ko ekainean, urte artean: Energia elektrikoa, gasa eta lurruna, %27,1eko igoerarekin; Material eta ekipo elektrikoa, %7,9ko hazkundearekin; eta Kautxua eta plastikoa, %1,7ko igoerarekin.

Alderantzizko zentzuan, jaitsierarik handienak, sektore hauetan: Garraio-materiala, urte artean %5,0ko murrizketarekin; Zura, papera eta arte grafikoak, %3,0ko jaitsierarekin; eta Elikaduraren, edarien eta tabakoen industriak, %2,5eko murrizketarekin.

graf0016666_01_e.png

Lurraldeka, ekaineko Industri Produkzioaren Indizearen urte arteko bilakaera positiboa izan da Bizkaian, non %2,5 igo den, eta Gipuzkoan, %1,6ko igoerarekin, baina Araban jaitsi da %3,0.

graf0016666_02_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko industri jarduera %0,8 gehitu zen 2019ko ekainean

Eragiketa : 
Industria-produkzioaren indizea
Eragiketa kodea : 
112312
Periodikotasuna : 
Hilekoa
Denbora arloa : 
JUNIO 2019
Eguneratze data : 
2019/08/07
Hurrengo eguneratzea : 
2019/09/10
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016666_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali