2019/11/05eko prentsa-oharra

INDUSTRI PRODUKZIOAREN INDIZEA. 2019KO IRAILA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko industria-jarduera %1,9 gehitu zen 2019ko irailean

%0,8ko gehikuntza dago industri produkzioaren indizean 2019ko lehen bederatzi hiletan

Eustaten datuen arabera, 2019ko irailean, lan-egutegiko termino homogeneoetan %1,9 gehitu zen Euskal AEko industria-produkzioa, 2018ko hil beraren aldean. 2019ko lehen bederatzi hiletan %0,8ko hazkundea izan da, 2018ko aldi beraren aldean.

Urtaroen eragina zuzenduta, %0,4 murriztu zen Euskal AEko industria-produkzioa, 2019ko abuztuarekin alderatuta.

2019ko iraileko indizearen bilakaerak, 2018ko irailekoaren aldean, emaitza ezberdinak dakartza sektore industrial handietan. Energia %14,2 gehitu da, Bitarteko Ondasunak %2,3 igo dira eta Kontsumoko Ondasunak, oro har, %3,8 gehitu dira. Azken horien barruan, Kontsumo Iraunkorreko Ondasunak %4,6 gehitu dira eta Ez-iraunkorrak %3,5. Ekipo-ondasunak, aldiz, %0,9 jaitsi dira.

2019ko iraileko hil arteko aldakuntza ere, 2019ko abuztuaren aldean, oso bestelakoa izan da industri talde handietan. Ekipo-ondasunak %9,4 gehitu dira eta Bitarteko Ondasunak %0,3. Aldiz, Kontsumoko Ondasunak, guztira, %0,3 jaitsi dira (Kontsumo Iraunkorreko Ondasunak %6,1 jaitsi dira, eta Ez-iraunkorrak %1,3 igo) eta Energiak %6,3 egin du behera.

Euskal AEko industriako pisurik handieneko sektoreen artean, hazkunderik handienak 2019ko irailean, urte artean, hauek eduki dituzte: Energia elektrikoa, gasa eta lurruna (%31,3), Material eta ekipo elektrikoa (%8,2), Metalurgia eta produktu metalikoak (%4,9) eta Zura, papera eta arte grafikoak (%4,8).

graf0016844_01_e.png

Alderantzizko zentzuan, jaitsierarik handienak sektore hauetan izan dira: Elikagaien, edarien eta tabakoaren industriak, %3,8ko jaitsierarekin urte artean; Garraio-materiala, %3,7ko jaitsierarekin; eta Makineria eta ekipoa, %3,1ekoarekin.

Lurraldearen arabera, Industri Produkzioaren Indizearen iraileko urte arteko bilakaera positiboa izan da Bizkaian, non %7,9 igo baita, baina Araban eta Gipuzkoan, berriz, %1,8 eta %1,6 jaitsi da, hurrenez hurren.

graf0016844_02_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko industria-jarduera %1,9 gehitu zen 2019ko irailean

Eragiketa : 
Industria-produkzioaren indizea
Eragiketa kodea : 
112312
Periodikotasuna : 
Hilekoa
Denbora arloa : 
SEPTIEMBRE 2019
Eguneratze data : 
2019/11/05
Hurrengo eguneratzea : 
2019/12/04
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016844_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali