HomeGaiakOsasun egoeraPrentsa Oharrak Euskal AEko ospitalizazioen...

2019/02/13ko prentsa-oharra

OSPITALEETAKO ERIKORTASUN ESTATISTIKA. 2017

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko ospitalizazioen %83 ospitale publikoetan artatu ziren

Haurduntza, erditze eta puerperioagatik izanikoak zazpigarren tokian kokatu ziren Euskal AEn eta bosgarrenean Espainian

Euskal AEko ospitaleek 245.409 ospitalizazio erregistratu zituzten 2017an, Espainia osoko %5, eta, hala, dimentsio horretan zazpigarren Erkidego Autonomoa izan zen Euskal AE, Eustaten datuen arabera. Halaber, ospitalizazioen %82,8 ospitale publikoetakoak izan ziren, ehuneko 10 puntu Espainiako batezbestekoaren gainetik (%72,5).

Ospitalearen asistentzia-helburuaren arabera, ospitaleratzeen %94,9 akutuen ospitaleetan izan ziren, %4 egonaldi ertain eta luzeko ospitaleetan eta %1,1 psikiatrikoetan.

Ospitaleraturiko gizonen proportzioa (%50,2) eta emakumeena (%49,8) antzekoak izan ziren; Estatuan gehiago izan ziren emakumeak (%52,3). 65 urte eta gehiagoko pertsonak sarriago joan ziren ospitaleetara, ospitalizazioen erdiak iritsita; Espainian, %45,3.

graf0016216_01_e.png

Ospitalizazio-kausa nagusiak, Espainia osoan bezala, zirkulazio-eritasunak, digestiokoak eta arnasketakoak izan ziren, ospitalizazioen %38,2 (Espainian %37,2); halaz ere, haurduntzari, erditzeari eta puerperioari loturiko egonaldiek zazpigarren tokia hartu zuten Euskal AEn, ospitalizazioen %7,5ekin, noiz eta Espainian bosgarrena hartu baitzuten (%9,2).

Aipatu hiru eritasun-taldeak emakume-ospitaleratzeen %32,8 izan ziren eta %43,5 gizonen kasuan (Estatuan, %31,5 eta %43,6, hurrenez hurren).

graf0016216_02_e.png

Asistentzia-helburua kontuan izanik, egonaldi ertain eta luzeko ospitaleak eta psikiatrikoak, ospitalizazioen %5,1ekin, ereduz ezberdinak suertatzen dira akutuen ospitaleen aldean, bai artatzen diren patologiez bezainbatean bai ospitaleko egonaldiaren iraupenari doakionez.

Egonaldi ertain eta luzeko ospitaleetan ia ospitaleratzeen erdiak arnas aparatuko eritasunek eragin zituzten (%27,6) edo zirkulazio-aparatukoek (%19,6) eta batez besteko egonaldia 20 egunekoa izan zen. Ospitaleko psikiatrikoen kasuan, artatzeen %94,1 lotuak izan ziren buruko eta portaerako desorekei, eskizofrenia nabarmentzen dela, 6 hilez goitiko batez besteko egonaldiarekin.

Ohar metodologikoa

Estatistikako Institutu Nazionalarekin (INE) batera egin da eragiketa. Konparatzeko zioengatik, ospitaleratzeko modalitatean bakarrik hartzen dira kontuan gertakari horiek zeinek duten egun 1eko edo gehiagoko iraupenik; alegia, ez dira 0 egunekiko gertakariak aintzat hartzen. Egonaldiaren iraupena kalkulatzen da egun-kopurua bezala ospitaleratze-datatik altakora arte, kontuan izan gabe ospitaleratzeko edo altako orduak.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko ospitalizazioen %83 ospitale publikoetan artatu ziren

Eragiketa : 
Ospitaleetako erikortasun-estatistika
Eragiketa kodea : 
030580
Periodikotasuna : 
Urtekoa
Denbora arloa : 
2017
Eguneratze data : 
2019/02/13
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016216_e.html
Erakunde arduraduna : 

Beste produktu estatistikoak

Datuak

Grafiko interaktiboak

Mikrodatuak

Metadatuak

Kode eta izendegiak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali