2019/08/06ko prentsa-oharra

TXIKIZKAKO MERKATARITZAREN INDIZEA (TMI). II/2019

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko txikizkako sektorean salmentak %0,8 gehitu ziren 2019ko bigarren hiruhilekoan

Gasolindegiak sartu gabe, %0,7 gehitu ziren prezio finkoetan

Eustaten arabera, 2019ko bigarren hiruhilekoan, Euskal AEko txikizkako merkataritzaren sektorean salmentak %0,8 gehitu ziren prezio finkoetan aurreko urteko hiruhileko beraren aldean. Gasolindegiak sartu gabe, salmentak %0,7 gehitu ziren urte arteko tasan.

Aurreko hiruhilekoaren aldean, salmenta-indizea %0,1 erreala gehitu da, urtaro-eraginak kenduta.

Sektoreka, elikagaien salmentak %1,8 gehitu ziren 2019ko bigarren hiruhilekoan, baina gainerako produktuenak %0,2 jaitsi ziren; automobilgintzarako erregaiarenak %1,0 hazi ziren, beti ere 2018ko aldi beraren aldean eta prezioen eraginik gabe.

Elikagaien txikizkako merkataritzan espezializatua %1,0 gehitu zen; elikagaiak nagusi diren ez-espezializatuan, %2,2.

Gainerako produktuen txikizkako merkataritzan zeinu ezberdineko aldakuntzak daude azpisektoreetan. Etxeko ekipamenduan espezializatuan %2,9ko gehikuntza izan da eta kontsumoko beste ondasunetan espezializatuan %1,6koa, baina pertsonaren ekipamenduan espezializatuan %2,3ko jaitsiera gertatu da eta, azkenik, gainerako produktuak nagusi diren ez-espezializatuan %1,8ko murrizketa, den-dena prezio finkoetan.

Salmentak hiru lurraldeetan gehitu dira urte artean: Araban %1,5eko igoera izan da, termino errealetan, Bizkaian %0,7koa eta Gipuzkoan %0,6koa, 2018ko bigarren hiruhilekoaren aldean.

Euskal AE osoan, 2019ko bigarren hiruhilekoan, txikizkako merkataritzako sektorean okupatuen kopurua %0,1 gutxitu da aurreko urteko hiruhileko berarekin konparatua eta %0,1 ere jaitsi da 2019ko lehen hiruhilekoaren aldean.

graf0016665_01_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko txikizkako sektorean salmentak %0,8 gehitu ziren 2019ko bigarren hiruhilekoan

Eragiketa : 
Txikizkako merkataritzaren indizea
Eragiketa kodea : 
142530
Periodikotasuna : 
Hiru hilekoa
Denbora arloa : 
II/2019
Eguneratze data : 
2019/08/06
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016665_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali