HomeGaiakHeriotzakPrentsa Oharrak Heriotzak %6,7 urritu...

2019/09/30eko prentsa-oharra

HERIOTZEN ESTATISTIKA I/2019

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Heriotzak %6,7 urritu ziren 2019ko lehen hiruhilekoan

Jaitsiera nabarmenagoa izan zen emakumeentzat, %7,9; gizonentzat, %5,5

2019ko lehen hiruhilekoan, Euskal AEn 5.984 lagun hil ziren, aurreko urteko aldi berean baino %6,7 gutxiago, Eustaten datuen arabera.

Lurraldeka, jaitsiera %9,7koa izan zen Gipuzkoan, non hil baitziren 1.916 pertsona, %9koa Araban, 719 hildakorekin, eta %4,5ekoa Bizkaian, 3.349rekin. Sexuen arabera, 2.983 gizon eta 3.001 emakume hil ziren, zeinek ekarri duen %5,5eko jaitsiera gizonentzat eta %7,9koa emakumeentzat.

Heriotza-eragile nagusiak tumoreak eta zirkulazio-sistemaren gaixotasunak izan ziren, 1.611 eta 1.545 hildakorekin, hurrenez hurren. Bion artean heriotzen %52,7 dira. Hirugarren, arnas aparatuko gaixotasunak, 834 heriotzarekin (%13,9).

Digestio-sistemaren eta nerbio-sistemaren gaixotasunengatiko heriotzak %21,6 eta %19,3 jaitsi ziren

Normalean, neguan izaten dira heriotza gehienak eta, batez ere, arnas aparatuko gaixotasunak ugaritzen dira beste hiruhileko batzuen aldean. 2019ko lehen hiruhilekoan, 834 heriotza ekarri zituzten, aurreko urteko hiruhileko berean (922) baino %9,5 gutxiago, baina 2018ko laugarren hiruhilekoan (514) baino %62,3 gehiago.

Bestalde, aparatu digestiboko gaixotasunengatik hildakoak 228 izan ziren, %21,6 gutxiago aurreko urteko aldi beraren aldean. Nerbio-sistemaren gaixotasunengatik (Alzheimer eta Parkinson haietakoak dira) 355 pertsona hil ziren urtarril, otsail eta martxoan, aurreko urteko hiruhileko berean baino %19,3 gutxiago.

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, kontrako ordena: heriotzen kausa nagusia gaixotasun kardiobaskularrak izan ziren, eta ondoren, tumoreak. Arnas aparatuko gaixotasunak hirugarren heriotza-kausa izan ziren, oraindik ere, sexu bietan.

Lehen hiruhilekoan hildakoen artean, 17 urtebetetik beheragoko haurrak izan ziren: 13 mutiko eta 4 neskato.

2019ko lehen hiruhilekoan, Euskal AEk hazkunde begetatibo negatiboa eduki zuen, 2.274 pertsonako jaitsierarekin. Hiru lurraldeetan galdu da biztanlerik: Bizkaian 1.534 pertsona, Gipuzkoan 656, Araban 84.

graf0016777_01_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.es Tlf: 945 01 75 62

Euskera
Produktuaren datuak
Produktuaren datuak

Heriotzak %6,7 urritu ziren 2019ko lehen hiruhilekoan

Eragiketa : 
Heriotzen estatistika
Eragiketa kodea : 
010303
Periodikotasuna : 
Hiru hilekoa
Denbora arloa : 
Eguneratze data : 
2019/09/30
Hurrengo eguneratzea : 
2019/11/25
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016777_e.html
Erakunde arduraduna : 
Beste erakundeak : 
Osasuna Saila

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali