2019/09/24ko prentsa-oharra

INDUSTRIAKO PREZIOEN INDIZEA. 2019KO ABUZTUA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Industri prezioak %0,5 jaitsi ziren Euskal AEn 2019ko abuztuan aurreko hilaren aldean

Aurreko urtearen aldean (2019ko abuztua 2018koaren aldean) %0,3 igo ziren

Eustaten datuen arabera, Euskal AEko industri prezioak %0,5 jaitsi ziren 2019ko abuztuan aurreko hilaren aldean. Datu horiek kontuan, abuztuko urte arteko tasa (azken hamabi hilabeteetan industriako prezioek izandako aldakuntza) %0,3 da.

Analisi zehatzagoa eginda, hauek dira 2019ko abuztuan prezio-hazkunderik handienak izan dituzten sektoreak aurreko hilaren aldean: Ehungintza, larrugintza eta zapatagintza, %1,7ko igoerarekin; Erauzketa-industriak, %1,3rekin; eta Altzariak eta beste manufaktura-industriak, %0,5ekin. Jaitsierarik handienak, aldiz, hauek: Kokeriak eta petrolioa fintzea, %2,5ekin; eta Energia elektrikoa, gasa, lurruna eta aire girotua, %1,6rekin.

Ondasunen helburu ekonomikoaren araberako sailkapenari jarraikiz, aurreko hilaren aldean, Ekipoko ondasunek %0,1 egin dute gora eta Kontsumoko ondasunek, oro har, %0,1, zeren Kontsumoko ondasun ez-iraunkorrek %0,1 egin baitute gora eta Iraunkorrek ez baitute aldakuntzarik izan, %0,0. Bitarteko ondasunetan prezioak berdin mantendu dira, %0,0. Energiarenak, aldiz, %2,2 murriztu dira.

Urte arteko aldian, 2019ko abuztua 2018koaren aldean, prezio-hazkunderik handienak gertatu dira Garraio-materialean eta Material eta ekipo elektrikoan, bietan %2,5eko hazkundearekin, eta Energia elektrikoa, gasa, lurruna eta aire girotua zein Produktu informatikoak, elektronikoak eta optikoak izenekoetan, %2,0ko hazkundearekin biotan. Alderantzizko norabidean, jaitsierarik handienak hauetan izan dira: Kokeriak eta petrolioa fintzea, %4,2rekin; Industria kimikoa, %1,4rekin; eta Ehungintza, larrugintza eta zapatagintza, %1,3rekin.

Ondasun-talde handietako prezioen aldakuntza positiboa izan da urte artean Ekipoko ondasunetan, zeinetan %1,8 hazi diren, Bitarteko ondasunetan, %0,3ko igoerarekin, eta baita ere Kontsumoko ondasunetan, %0,4ko igoerarekin; horien barnean, %2,2 hazi dira Kontsumo iraunkorrekoak eta %0,1 Ez-iraunkorrekoak. Energia %0,9 gutxitu da.

graf0016761_01_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Industri prezioak %0,5 jaitsi ziren Euskal AEn 2019ko abuztuan aurreko hilaren aldean

Eragiketa : 
Industria- prezioen indizea
Eragiketa kodea : 
182313
Periodikotasuna : 
Hilekoa
Denbora arloa : 
AGOSTO 2019
Eguneratze data : 
2019/09/24
Hurrengo eguneratzea : 
2019/10/24
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016761_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali