2003/07/22ko prentsa-oharra

ESTABLEZIMENDU TURISTIKO HARTZAILEEN INKESTA (ETHI) 2003KO EKAINA



Bidaiarien sarrerak %8 gehitu dira 2003ko ekainean



Gaualdiak %3 gehitu dira, joan den ekainean.


Euskal AEko ostalaritza-establezimenduetan, 146.998 bidaiari-sarrera erregistratu dira 2003ko ekainean, Eustatek landutako datuen arabera. Zifra horiek erakusten dute %8ko hazkundea gertatu dela aurreko urteko hil beraren aldean, hots, 2002ko ekainean aldean, 10.000 bisitari baino gehiagoko hazkundea izan dela. Hiru herrialdeetan ez dute bilakaera bera izan bidaiarien sarrerek. Urte arteko gehikuntzarik handiena Gipuzkoan jazo da (%13); eta ondoren, Bizkaian (%9); baina Araban aldakuntza negatiboa izan da (%-7).


Estatuko bidaiarien sarrerak %12 gehitu dira Euskal AE osoan. Atzerriko bidaiarien sarrerak, berriz, %1 urritu dira. Estatutik datozen bidaiarien kopurua igo egin da bi herrialdetan, nahiz eta bietan berdin ez: %25 Gipuzkoan, eta %9 Bizkaian, eta Araban, berriz, %5 gutxitu da. Atzerrikoak gutxitu egin dira bi herrialdetan: Araban (%-11) eta Gipuzkoan (%-4), baina Bizkaian %9 gehitu dira.


Estatutik datozen bidaiarien artean, gehitu egin dira Kataluniatik, Asturiasetik, Aragoitik, Euskal AEtik eta Nafarroatik etorritakoak. Gutxitu egin dira, aitzitik, Andaluziatik eta Madrildik etorriak. Atzerriko bidaiarien artean, gehitu egin dira Frantziatik, Alemaniatik, Italiatik eta Portugaletik etorritakoak, eta urritu, ostera, AEB-Kanadetatik, Herbeheretatik eta Iberoamerikatik etorriak.


2003ko ekainean erregistraturiko gaualdiak 263.819 dira, hau da, aurreko urteko hil berean baino 8.000 gehiago; bestela esanda, %3 gehitu ziren. Gaualdiek urte arteko bilakaera ezberdina izan dute hiru lurraldeetan: igo egin dira Bizkaian (%4) eta Gipuzkoan (%9), baina jatsi egin dira Araban (%-11).


Euskal AE osorik hartuta, bidaiarien batez besteko egonaldiaren iraupena urritu egin da, 2002ko ekaineko 1,87 egunetatik joan den ekaineko 1,79 egunetara. Laburtze hori hiru lurraldeetan gertatu da: Araban (%-5), Bizkaian (%-5) eta Araban (%-4).


Plazen betetze-maila %4 jaitsi da Euskal AE osoan eta lurraldeka bilakaera hau izan du: Araban, %-24; Bizkaian, %-4; eta Gipuzkoan, %5.



Nekazalturismoa: gehitu egin dira bidaiarien sarrerak (%2) eta gaualdiak egonkortu


Euskal AEko nekazalturismoko establezimenduetan, 6.571 bidaiari-sarrera zenbatu dira joan den ekainean, aurreko urteko hil berean baino %2 gehiago: %9 ugaritu dira Gipuzkoan eta %4 Araban, eta %8 gutxitu dira Bizkaian. Euskal AE osoan izandako hazkundea Estatutik datozen bisitariek (%3) eragin dute, atzerrikoak %7 urritu baitira. Estatuko bisitariak gehitu egin dira Gipuzkoan (%11) eta Araban (%5). Atzerrikoak, aldiz, hiruretan urritu dira: Araban (%-3), Bizkaian (%-13) eta Gipuzkoan (%-4).


Euskadiko nekazalturismoko establezimenduetan egindako gaualdiak 15.036 izan dira ekainean, 2002ko hil bereko ia kopuru bera. Urte arteko hazkunde-tasa positiboa izan da Gipuzkoan (%21), baina Bizkaian eta Araban %15 jaitsi da.


Batez besteko egonaldia, bidaiariko, ehuneko-puntu bat laburtu da Euskal AE osoan, 2002ko ekainaren aldean: Gipuzkoan %11 hazi da, baina jaitsi egin da Araban (%-18) eta Bizkaian (%-8).


Betetze-maila, azkenik, %7 jaitsi da Euskal AE osoan, Araban (%-25) eta Bizkaian (%-20) izandako jaitsierengatik; Gipuzkoan %12 gehitu den arren.



Argibide gehiagorako:

Euskal Estatistika-Erakundea / Instituto Vasco de Estadística
Donostia-San Sebastian kalea, 1. 01010 Vitoria-Gasteiz
Tel.: +34-945 01 75 00 Faxa: +34-945 01 75 01 E-maila: eustat@eustat.eus
Harremanetarako pertsona: Gerardo Pérez Aja
Tel.: +34-945 01 75 06. Faxa: +34-945 01 75 01
Prentsa-oharrak Interneten: www.eustat.eus

 

Top

1. Taula: Hileko emaitzak

Euskera
Produktuaren datuak
Produktuaren datuak

Bidaiarien sarrerak %8 gehitu dira 2003ko ekainean

Eragiketa : 
Establezimendu turistiko hartzaileen inkesta
Eragiketa kodea : 
132680
Periodikotasuna : 
Hilekoa
Denbora arloa : 
JUNIO DE 2003
Eguneratze data : 
2003/07/22
Hurrengo eguneratzea : 
2019/09/23
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0002291_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali