2006/01/09ko prentsa-oharra

INDUSTRI PRODUKZIOAREN INDIZEA (IPI), 2005EKO AZAROA


Euskal Autonomia Erkidegoko industri jarduera %4,7 hazi zen 2005eko azaroan


2005eko lehenengo hamaika hilabeteetako bilakaerak %2,9ko hazkundea izan zuen aurreko urteko aldi beraren aldean


EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2004ko azaroaren aldean %4,7 hazi zen 2005eko azaroan. Urteko lehenengo hamaika hilabeteetan aurreko urtean baino %2,9 gehiago hazi zen jarduera hori.


2005eko azaroan, eta aurreko urteko urriaren aldean, EAEko industri produkzioa %1,9 hazi zen baina estazionalitate-ondorioak zuzendu ostean betiere hilabeteen arteko datuak alderatu ahal izateko.



Sektoreen araberako bilakaera


Sektore guztiak aintzat hartuta eta industri sektore nagusienek, ekoiztu dituzten ondasunen xede ekonomikoaren arabera, duten sailkapena kontuan hartuta 2005eko azaroko indizearen bilakaerak (2004ko hilabete beraren aldean) hurrengo aldaketak izan zituen: urte arteko hazkunde tasarik handiena ekipamenduko ondasunetan eman zen (%14,9), gero kontsumo-ondasunetan (%2,7); izan ere, kontsumo-ondasun iraunkorren urte arteko hazkundea %1,8koa izan zen eta kontsumo-ondasun ez iraunkorrena %3,2koa. Tarteko ondasunek %0,7ko urte arteko aldakuntza positiboa izan zuten, baina energiak urte arteko aldi horretan %1,5 egin zuen atzera.


2005eko lehenengo hamaika hilabeteetako metatuan, ekipamenduko ondasunak %5,4 hazi ziren, energia %2,7, tarteko ondasunak %2,1 eta kontsumo-ondasunak %0,4; hain zuzen ere, kontsumo-ondasun ez iraunkorren hazkundea %0,8koa izan zen eta kontsumo-ondasun iraunkorren beherapena %0,3koa. Datu hauek guztiak 2004ko lehenengo hamaika hilabeteekin alderatuta atera dira.


2005eko azaroko hilabete arteko aldakuntzak (urte bereko urriaren aldean) zeinu ezberdina izan du industriako sektore nagusienetan. Ekipamenduko ondasunak hilabete artean hazi egin dira (%5,1). Kontsumo-ondasunek hilabete arteko hazkunde positiboa izan zuten (%3,7); kontsumo-ondasun iraunkorren hilabete arteko aldakuntza %3,3koa izan zen eta kontsumo-ondasun ez iraunkorrena %3,9koa. Tarteko ondasunen hilabete arteko bilakaera %0,7koa izan zen, aitzitik energiak %5,0 egin zuen atzera urriaren aldean.


Lurralde Historikoen araberako bilakaera


Lurralde historikoen arabera, Industri Produkzioaren Indizearen azaroko urte arteko bilakaerak positiboak izan ziren hiru lurralde historikoetan; Araban %8,8 hazi zen, Gipuzkoan %5,1 eta Bizkaian %2,3, betiere lan-egutegi homogeneoari dagokionez.


2005eko azaroko datuak urriaren aldean desestazionalizatu zirela kontuan hartuta, hilabete arteko hazkunde tasak positiboak izan dira hiru lurraldeetan: Araban %2,6 hazi ziren, Gipuzkoan %2,2 eta Bizkaian %1,2.






Argibide gehiago nahi izanez gero:

Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.eus
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Prentsa-oharrak Interneten: www.eustat.eus
Datu-bankua: www.eustat.eus/bancopx/euskara/indice.aspx

Euskera
Produktuaren datuak
Produktuaren datuak

Euskal Autonomia Erkidegoko industri jarduera %4,7 hazi zen 2005eko azaroan

Eragiketa : 
Industria-produkzioaren indizea
Eragiketa kodea : 
112312
Periodikotasuna : 
Hilekoa
Denbora arloa : 
NOVIEMBRE DE 2005
Eguneratze data : 
2006/01/09
Hurrengo eguneratzea : 
2019/03/07
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0003291_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali