2008/01/21eko prentsa-oharra

UNIBERTSITATE-ESTATISTIKA, 2006/07 ikasturtea


Selektibitatera aurkeztutako ikasleen %94k gainditu zuen Euskal AEn


Gainditzen duten emakumeen portzentajea handiagoa da gizonena baino


2007. urtean 9.409 gazte matrikulatu ziren Unibertsitatera sartzeko azterketetan Euskal AEn, Eustaten datuen arabera. Azterketak 8.817k gainditu zituzten, %94k. Batez besteko nota 6,7. Estatuko batez bestekoarekin alderatuz (%81) 13 puntuz zegoen gainetik Euskal AEKo portzentajea.


Aurkeztutakoen %58 neskak izan ziren, eta beraien artean gainditu zutenen portzentajea (%96) mutilena baino bost puntuz gainetik egon zen.


Bestalde, 25 urtetik gorakoentzako probara 449 ikasle aurkeztu ziren. Horietatik %60k gainditu zuen.


Ekaineko deialdian 7.627 ikasle matrikulatu ziren eta %97k gainditu zuten; uztailekoan 1.772 matrikula eta %82k gainditu. Bi deialdietan handiagoa da gainditutako nesken portzentajea, baina batez ere uztailekoan, non 10 puntuz gailentzen diren..


Titulartasunaren aldetik, zentro pribatuetatik 5.091 ikasle aurkeztu ziren eta 4.259k gainditu (%95). Zentro publikoetatik 4.318 aurkeztu eta 3.368k gainditu, %93.


1. taula- deialdi bakoitzean matrikulatutako eta gainditutako ikasle kop. 2007



Iturria: EUSTAT


Aldeak oso txikiak badira ere, gainditutakoen portzentajerik onena Arabak du (%96). Oso gertu dabil Gipuzkoa (%95) eta Bizkaia ondoren (%93).


Hizkuntz ereduen arabera, D ereduko gainditu dutenen portzentajea (%95) hobea da A eredukoena (%92) baino. Azpimarratzekoa da, baita ere, D eredutik etorritako ikasle guzti-guztiek euskaraz egin zituztela azterketak.


Mutilen erdiak aukera zientifiko-teknikoetara jo zuten; neskek gizarte zientzietara eta osasun arlora.


Ia ikasle guztiak (9.409) aukera bakar batean matrikulatu ziren, eta 36 aukera konbinatuetan, alegia, azterketetara aukera batetik baino gehiagotik aurkeztu. Azken hauek beste aukeretako gaiak ikasita zituzten.


1. grafikoa.- Ikasle matrikulatuak, sexu eta aukeren arabera 2007



Iturria: Eustat


Euskal AEko ikasle gehienek bide zientifiko-teknikoetara jo zuten, %35ek; ondoren gizarte zientzietara (%29) eta osasun zientzietara (%26). Gutxien aukeratuak, honako hauek: giza zientziak (%8), arteak %2) eta aukera konbinatuak (%0,4).


Mutilen erdiak aukera zientifiko-teknikoetan matrikulatu ziren, eta neskek gehiago jo zuten gizarte zientzietara eta osasun arlora.



Argibide gehiago nahi izanez gero:

Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.eus
Harremanetarako pertsona: Maite Ugarte Barcina
Tlf:+34-945-01 75 47 Faxa:+34-945-01 75 01
Prentsa-oharrak Interneten: www.eustat.eus
Datu-bankua: www.eustat.eus/bancopx/euskara/indice.aspx

Euskera
Productuaren datuak
Productuaren datuak

Selektibitatera aurkeztutako ikasleen %94k gainditu zuen Euskal AEn

Eragiketa : 
Unibertsitatearen estatistika
Eragiketa kodea : 
040603
Periodikotasuna : 
Urtekoa
Denbora arloa : 
ESTADISTICA UNIVERSITARIA Curso 2006/07
Eguneratze data : 
2008/01/21
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0004414_e.html
Erakunde arduraduna : 

Beste produktu estatistikoak

Datuak

Mikrodatuak

Metadatuak

Galdesortak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali