2009/03/26ko prentsa-oharra

UNIBERTSITATE-ESTATISTIKA, 2007/08 IKASTURTEA

Unibertsitate-ikasleen ia erdia gizarte-zientzietan eta zuzenbidean matrikulatu zen

Arlo guztietan emakumeak gehiago dira, irakaskuntza teknikoetan izan ezik

2007-08 ikasturtean 65.101 ikasle matrikulatu ziren Euskal AEko unibertsitateetan. Haien arteko %47 arlo sozial eta juridikoan, Eustaten datuen arabera. Aurreko ikastaroaren aldean, matrikulazioak %-2 gutxiago izan dira, azken 13 urteetako joerari eutsiz.

Lurraldez lurralde, matrikulatutako guztien %55 Bizkaian aritu ziren, %31 Gipuzkoan eta %14 Araban.

Matrikulatutakoen %55, emakumezkoak, joan den ikasturteko ehunekoaren antzera. Zentroen titulartasunari dagokionez, ikasleen %78 publikoetan matrikulatu ziren.

Matrikulatutako ikasleria, ziklo eta ikasketa adarraren arabera. 2007-08

graf0005040_01_e.png

(1) Bigarren zikloa gainditzeak lizentziadun, ingeniari edo arkitekto titulua eskuratzea dakar.

(2) Lehenengo zikloa gainditzeak diplomatu, ingeniari edo arkitekto tekniko titulua eskuratzea dakar.

(3) LRU doktoretza ofizialeko programetan eta graduatu ondoko programa ofizial berrietan (master eta doktoretzetan) matrikulatutako ikasleria

Iturria: Eustat

Gizonek prestakuntza teknikoagoa aukeratzen dute

30.790 ikaslek egin zituzten arlo sozial eta juridikoko ikasketak. Hori matrikulazio guztien %47 da. Bigarren, 20.346 ikaslek (%31k) Ikasketa Teknikoak aukeratu zituzten, eta Giza Zientzietan 6.106 matrikulatu ziren. Prestakuntza sanitario eta esperimentala aukeratutakoak 3.888 eta 3.372 izan ziren, adar bakoitzaren %6 eta %5.

Emakumeek presentzia nabarmena dute ia adar guztietan, %63 direlarik, batez beste, zientzia sozial eta juridikoetan, esperimental eta giza zientzietan. Osasun arloan emakumeak gehiago dira, eta gero eta gehiago, hamar matrikulaziotik zortzi. Salbuespena irakaskuntza teknikoak dira, nonbait erakargarriagoak zaizkie gizonei, emakumeak %30 direlarik.

Lizentziatura eta diplomaturetan izaten dira ikasle graduatuen portzentajerik handienak.

2007-08 ikasturtean 12.489 ikaslek bukatu zituzten unibertsitate-ikasketak; %58 emakumeak.

Ikasketa motaren arabera, 4.175ek lizentziaturaren bat lortu zuten, %39k. Ondoren diplomaturak datoz, 3.066 (%29) eta arkitekturak eta ingeniaritzak, bai goi-mailakoak, bai teknikoak: 1.703 eta 1.681, %16.

Graduatu ondokoetan, 1.561 ikaslek hirugarren zikloa (ikertzeko nahikotasuna) bukatu zuten, doktoretza egiteko gaituz; 313k master ofizialen bat bukatu zuten, eta 303k doktoretza.

Graduatutako ikasleak, ikasketa mota eta sexuaren arabera. 2007

graf0005040_02_e.png

Iturria: Eustat

Hona hemen graduatu gehien izandako titulazioak: irakasle eskola (1.366), industri ingeniaritza teknikoa (874), enpresa administrazioa eta zuzendaritza (790), enpresa-zientziak (596) eta industri ingeniaritza (447). Emakumeak bakarka hartuta: irakasle eskola (1.072), enpresa administrazioa eta zuzendaritza (487), enpresa-zientziak (353,) erizaintza (308) eta psikologia (270).

Unibertsitate-irakasleen plantilla %5,4 hazi zen

Euskal AEko unibertsitateetan, 2007/08 ikasturtean, 7.628 pertsonak lan egin zuten, aurrekoan baino %5 gehiagok. Haietarik %45, 3.449, emakumeak.

5.592 irakaslek osatzen dute plantilla, aurreko urtean baino %5,4 gehiago. Hamar irakasletatik lau emakumeak ziren. Ez-irakasleak, 2.039 pertsona.

Argibide gehiago nahi izanez gero:

Euskal Estatistika Erakundea / Instituto Vasco de Estadística Donostia-San Sebastián kalea, 1 01010 Vitoria-Gasteiz Tel:+34-945-01 75 00 Faxa:+34-945-01 75 01 Posta elek.: eustat@eustat.eus Harremanetarako pertsona: Maite Ugarte Barcina +Tlf:+34-945-01 75 47 Faxa:+34-945-01 75 01 Prentsa-oharrak Interneten: www.eustat.es Datu-bankua: www.eustat.eus/bancopx/euskara/indice.asp  

Euskera
Produktuaren datuak
Produktuaren datuak

Unibertsitate-ikasleen ia erdia gizarte-zientzietan eta zuzenbidean matrikulatu zen

Eragiketa : 
Unibertsitatearen estatistika
Eragiketa kodea : 
040603
Periodikotasuna : 
Urtekoa
Denbora arloa : 
ESTADISTICA UNIVERSITARIA Curso 2007/08
Eguneratze data : 
2009/03/26
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0005040_e.html
Erakunde arduraduna : 

Beste produktu estatistikoak

Datuak

Mikrodatuak

Metadatuak

Galdesortak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali