2010/03/1eko prentsa-oharra

ESKOLA-JARDUERARI BURUZKO ESTATISTIKA, 2008/09 ikasturtea

Irakaskuntza ez-unibertsitarioko irakaskuntzako ikasleak %2,2 ugaritu dira, batez ere haur hezkuntzan eta lehen mailan

Araubide orokorrekoetan, zentro publiko eta pribatuetako matrikulazio-kopurua orekatua da

2008/09 ikasturtean ikasketa ez-unibertsitarioren batean aritutako ikasle kopurua 381.644 izan zen, aurrekoan baino %2,2 gehiago, Eustaten datuen arabera. Haietatik 357.379 ikasle (%94) araubide orokorreko ikasketetan aritu ziren; 8.853 matrikula berri egin ziren, %2,5 gehiago.

Araban (%4) hazi zen gehien matrikulazio-kopurua aurreko ikasturtearen aldean; Gipuzkoan %2,8 eta Bizkaian %1,2.

Zentro publikoan edo pribatuan aritzeko orduan, araubide orokorrekoetan ikasle-banaketa orekatua izan zen maila guztietan, HHIn izan ezik, non %98 publikoren batean aritu baitzen.

Araubide Bereziko Irakaskuntzetan (hizkuntzak, arteak, kirolak) aniztasun handiagoa izan zen ikasi beharrekoen arabera; izan ere, prestakuntza-programa hauetan zentro-kopurua txikiagoa da, eta eskaintzak asko baldintzatzen du aukeraketa.

graf0005734_01_e.png

Haur hezkuntzan eta lehen mailan haziz jarraitzen du matrikula-kopuruak.

Araubide orokorrekoetan, azken urteetan bezala, haur-hezkuntzan eta lehen mailan izan zen eskaerarik handiena; 91.206 eta 110.095 ikasle. Matrikulazio-hazkunderik handienak ere izan zituzten, %3,3 haurren hezkuntzan eta %2,6 lehen mailan. Joera bera igarri zen hezkuntza bereziko ikaslerian; kuantitatiboki txikiagoa, %3,5 hazi zen aurreko ikasturtearen aldean.

Helduentzako hezkuntza-zentroetako araututako moduluetan 29.196 pertsona aritu ziren, %1,8 gehiago.

Gainerakoetan –DBH, batxilergoa, lan heziketa- ikasle kopuruak ezer gutxi aldatu ziren aurreko ikasturtearen aldean: 69.046, 28.832 eta 25.330. Nabarmentzekoa da DBHn aldatu egin dela beheranzko joera, 165 ikasle gehiago izan baitira.

Azken hamarkadan ikaslez hazi diren mailak haur-hezkuntza (%60) eta lehen maila (%10) izan dira; nabarmen jaitsi dira DBH (%-19) eta batxilergoa (%-30); gradu ertaineko eta goi mailako lan heziketak berdintsu dirau.

graf0005734_02_e.png

Iturria: EUSTAT

Araubide Bereziko Irakaskuntzetako ikasleen %83 hizkuntzetan aritu ziren

24.265 ikasle aritu ziren araubide bereziko irakaskuntzetan, aurreko ikasturtean baino %3 gutxiago. Hizkuntzek -20.242 matrikula- hartzen dituzte ikaslerik gehien.

Beste mailetan, 2.997 ikasle musikagintzan aritu ziren; 537 arte plastiko eta diseinuan; 274 kirolgintzan; 152 goi mailako diseinuan eta 83 dantza-ikasketetan.

Araban 4.057 ikasle matrikulatu ziren; Bizkaian 14.551 eta Gipuzkoan 5.657. Bizkaian eta Gipuzkoan %4 jaitsi zen ikasle-kopurua; Araban %3,5 igo.

Hizkuntza-ereduetan, D indartuz doa goi mailetatik beheraka etorriz. Batxilergoan erdia ari da eredu honetan, eta ehunekoak haziz doaz, haur hezkuntzan %70 delarik.

Haur hezkuntzan eta lehen mailan aritutako irakasleen %85, emakumezkoak

2008/09 ikasturtean 34.000 izan ziren irakasleak, 2009ko pertsona okupatuen %3,4. %97 araubide orokorrekoetan aritu ziren eta gainerakoak araubide berezikoetan. Lantokiaren titulartasunari begira, irakasleen %62k ikastetxe publikoetan lan egin zuen, eta %38k ikastegi pribatuetan.

Araubide orokorreko irakaskuntzetan, 32.848 irakasle aritu ziren. Haietarik, 16.015 Haur eta Lehen Hezkuntzan, eta gehienak emakumezkoak (%85); 15.100 irakaslek Bigarren Hezkuntzan jardun zuten, bai derrigorrezkoan bai ez-derrigorrezkoan, hemen emakumeak %58 izan zirelarik.

2008/09 ikasturtean, Araubide Berezikoetan 1.152 irakasle aritu ziren, haietariko %53 emakumeak.

Argibide gehiago nahi izanez gero:

Euskal Estatistika Erakundea / Instituto Vasco de Estadística Donostia-San Sebastián kalea, 1 01010 Vitoria-Gasteiz Tel:+34-945-01 75 00 Faxa:+34-945-01 75 01 Posta elek.: eustat@eustat.es Harremanetarako pertsona: Maite Ugarte Barcina Tel:+34-945-01 75 47 Faxa:+34-945-01 75 01 Prentsa-oharrak Interneten: www.eustat.es Datu-bankua: www.eustat.eus/bancopx/euskara/indice.aspx

Euskera
Produktuaren datuak
Produktuaren datuak

Irakaskuntza ez-unibertsitarioko irakaskuntzako ikasleak %2,2 ugaritu dira, batez ere haur hezkuntzan eta lehen mailan

Eragiketa : 
Eskola-jardueraren estatistika
Eragiketa kodea : 
040601
Periodikotasuna : 
Urtekoa
Denbora arloa : 
ESTADÍSTICA DE ACTIVIDAD ESCOLAR Curso 2008/09
Eguneratze data : 
2010/03/01
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0005734_e.html
Erakunde arduraduna : 

Beste produktu estatistikoak

Datuak

Mikrodatuak

Metadatuak

Galdesortak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali