HomeGaiakJaiotzakPrentsa Oharrak 2011ko lehenengo hiruhilekoan...

2011-09-26ko prentsa-oharra

EUSKAL AEko JAIOTZEN ESTATISTIKA (JAIE) 2011KO 1. HIRUHILEKOA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

2011ko lehenengo hiruhilekoan %0,2 gehitu ziren jaiotzak

Jaiotzak Bizkaian areagotu dira, baina behera egin dute Araba/Álavan eta Gipuzkoan

Eustaten datuen arabera, 2011ko lehenengo hiruhilekoan 5.032 ume jaio ziren Euskal AEn, aurreko urteko hiruhileko berean baino %0,2 gehiago. Lurraldeka, jaiotza kopuruak behera egin du Araba/Álavan eta Gipuzkoan, %2,1 eta %1,5 hurrenez hurren; Bizkaian, ordea, %2 egin du gora. Zehatzago esateko, Araba/Álavan 792 haur jaio ziren, Bizkaian 2.552 eta Gipuzkoan 1.688.

Jaiotzak amaren adinaren arabera banatzean ikus daiteke 30-34 urtekoak oraindik nagusi direla, jaiotzen %41,7 adin-tarte horretan gertatu baitziren. Gero 35-39 urteko amen artean eman zen jaiotza gehien (%32,7), eta 25-29 urteko amen artean soilik izan ziren jaiotzen %13,8.

40 urte edo gehiago zituztenean ama izan ziren emakumezkoen kopuruak %8,6 egin du behera 2010. urteko hiruhileko berarekin alderatuta: 325etik 297ra jaitsi da 2011n.

Emakume horietatik jaiotako haurrak ume guztien %5,9 izan dira, eta ehuneko berdina hartu dute, hain justu ere, 25 urtetik beherako emakumeetatik jaiotakoek. Jaiotzen hurrenkera kontuan hartuta, 2011ko lehenengo hiruhilekoan jaiotzen erdia baino gehiago (2.690 haur) lehenengo seme-alabak izan dira; 1.922 haur (%38,2) bigarren seme-alabak izan dira eta jaiotako haurren %8,1 hirugarrena edo hortik gorako seme-alaba izan da.

Jaiotako ume guztien %33,4 ezkontzatik kanpo jaio ziren, 2010eko lehenengo hiruhilekoko kopurua baino 2,4 puntu gehiago. Bizkaian besterik ez da lortu Euskal AEan baino datu altuagoa, %35,6 hain zuzen ere. Multzo honetako ama izateko adina seme-alabak izan dituzten emakume guztiena baino txikiagoa izan zen, ezkondu gabe zeuden amen %12,7k 25 urte baino gutxiago baitzituen.

Amen %15ek atzerriko nazionalitatea zuen

2011ko lehenengo hiruhilekoan Euskal AEn izandako jaiotzetatik % 15en amek atzerriko nazionalitatea zuen. Batezbesteko hori nabarmen areagotzen da Araba/Álavan, datua %25era iritsi baitzen; Bizkaian, aldiz, %14koa izan zen, eta Gipuzkoan, ostera, %12koa.

Euskal AEn bizi den ama batengandik bizirik jaioak. Alderaketa taula.

jaiotzen hileko mugimendua (100 oinarri=batez bestekoa)

Argibide gehiago:

Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus Harremanetarako pertsona: Martín González Hernández Tel.:+34-945-01 75 49 Faxa:+34-945-01 75 01 Euskal AEKo JAIOTZEN ESTATISTIKAri buruzko prentsa-ohar gehiago Euskal AEko JAIOTZEN ESTATISTIKAri buruzko datu-bankua

Euskera
Produktuaren datuak
Produktuaren datuak

2011ko lehenengo hiruhilekoan %0,2 gehitu ziren jaiotzak

Eragiketa : 
Jaiotzen estatistika
Eragiketa kodea : 
010302
Periodikotasuna : 
Hiru hilekoa
Denbora arloa : 
1º TRIMESTRE 2011
Eguneratze data : 
2011/09/26
Hurrengo eguneratzea : 
2019/11/18
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0007276_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali