HomeGaiakEzkontzakPrentsa Oharrak 2011ko bigarren hiruhilekoan...

2011/12/14ko prentsa-oharra

EUSKAL AEKO EZKONTZEN ESTATISTIKA (EZKE), 2011KO 2. HIRUHILEKOA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

2011ko bigarren hiruhilekoan 2.304 ezkontza kontabilizatu ziren, aurreko urteko aldi berean baino% 10,3 gutxiago

2011ko apirileko, maiatzeko eta ekaineko ezkontzetatik % 68,7 ezkontza zibilak izan ziren

Euskal AEko ezkontzak: Euskal AEn 2.304 bikote ezkondu ziren 2011ko bigarren hiruhilekoan, iazko hiruhileko berean baino % 10,3 gutxiago, Eustaten datuen arabera. Lurraldeka, Bizkaian 1.218 bikote ezkondu ziren, 767 Gipuzkoan eta 276 Araban. 43 izan ziren Euskal AEtik kanpo bizilekua finkatu zuten bikoteak.

2011ko udaberriko hilabeteetan ezkontzetatik %68,7 ezkontza zibilak izan ziren; 2010eko hiruhileko berdinarekin alderatuta, ehunekoak 3,9 puntutan egin du gora. Ehuneko hori 2011ko lehen hiruhilekokoa baino baxuagoa da: ezkontzen % 91,6 ezkontza zibilak izan ziren orduan. Aurreko urteetan bezalaxe, bigarren hiruhilekoan ezkontzen kopuruak nabarmen egin zuen gora maiatzean eta ekainean, aurreko hiruhilekoan izandako ezkontzen kopuru txikiaren aldean.

2011ko bigarren hiruhilekoko 2.304 ezkontzetan bizilekua Euskal AEn duten 2.247 gizonezko eta 2.258 emakumezko ezkondu ziren. 2.017 gizonezko (% 90) lehenengo aldiz ezkondu ziren eta 18 gizonezko alargun eta 212 gizonezko dibortziatu berriz ezkondu ziren. Lehenengo aldiz ezkondu zirenei dagokienez, emakumezkoen kopurua gizonezkoena baino pixka bat handiagoa izan zen: ezkondu ziren emakumezko ezkongabeak 2.145 izan ziren (% 92), alargunak 7 eta dibortziatuak 184.

Ezkontideen adina dela eta, gorako joera mantendu da

Ezkontzak ezkontideen adinaren arabera sailkatuz gero, ikusi da senarretatik % 84,2k eta emazteetatik % 71,2k 30 urte baino gehiago zutela. 2010eko aldi berarekin alderatuta, ehuneko hauek ordukoak baino altuagoak dira: % 83,5 eta % 70,6 izan ziren orduan, hurrenez hurren; beraz, beste hiruhileko batez gorako joera mantendu da, ezkontideen adina dela eta.

2011ko apirilean, maiatzean eta ekainean ezkondu ziren gizonezkoen %7k eta emakumezkoen %10ek atzerriko nazionalitatea zuten, 2010eko aldi berekoak baino ehuneko altuagoak: gizonezkoen % 6 eta emakumezkoen % 8 izan ziren orduan atzerriko nazionalitatea zutenak.

graf0007635_01_e.png

Ezkontzen hilez hileko mugimendua oinarria (100= b.b.)

Argibide gehiago:

Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus Harremanetarako pertsona: Martín González Hernández Tel.:+34-945-01 75 49 Faxa:+34-945-01 75 01 Euskal AEKo EZKONTZEN ESTATISTIKAri buruzko prentsa-ohar gehiago Euskal AEko EZKONTZEN ESTATISTIKAri buruzko datu-bankua

Euskera
Produktuaren datuak
Produktuaren datuak

2011ko bigarren hiruhilekoan 2.304 ezkontza kontabilizatu ziren, aurreko urteko aldi berean baino% 10,3 gutxiago

Eragiketa : 
Ezkontzen estatistika
Eragiketa kodea : 
010304
Periodikotasuna : 
Hiru hilekoa
Denbora arloa : 
2º TRIMESTRE 2011
Eguneratze data : 
2011/12/14
Hurrengo eguneratzea : 
2019/09/16
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0007635_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali