HomeGaiakKanpo merkataritzaPrentsa Oharrak Euskal AEko esportazioak...

2011-12-07ko prentsa-oharra

EUSKAL AEKO KANPO-MERKATARITZAREN ESTATISTIKAK (KAMEE), 2011KO 3. HIRUHILEKOA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko esportazioak % 25,5 hazi dira 2011ko hirugarren hiruhilekoan

Inportazioek % 11,5 egin dute gora denboraldi berean

Euskal AEko esportazioak: EUSTATek emandako datuen arabera, esportazioek % 25,5eko hazkunde nominala izan dute 2011ko hirugarren hiruhilekoan. Urte honetan 5.263 milioi euroraino hazi dira, aurreko urtean 4.195 milioi baino zertxobait gehiago izan ziren. Esportazioek hirugarren hiruhilekoan izan duten hazkundeak % 18,4an utzi du 2011ko lehenengo bederatzi hilabeteetan pilatutako tasa.

Euskal AEko inportazioak: urte honetako hirugarren hiruhilekoan, % 11,5eko hazkunde nominala izan dute inportazioek, eta 4.148 milioi eurora iritsi dira. Inportazio ez-energetikoak bakarrik kontuan hartuta, aztertutako aldian hazkunde handiagoa izan dute (% 12,3), 2.685 milioi euroko balioarekin. Inportazioen urteko lehenengo bederatzi hilabeteetako tasa metatua % 17,6raino hazi da, aurreko urteko aldi beraren aldean, eta inportazio ez-energetikoena % 14,3raino.

Euskal AEko kanpo-merkataritzaren bilakaera. 2010-2011, Hirugarren hiruhilekoa. Milaka eurotan

Esportazioen kopuruari inportazioena kenduta, saldo garbia positiboa izan da hirugarren hiruhilekoan; ondorioz, 1.115 milioi euroko merkataritza superabita izan da eta esportazioen estaldura-tasa inportazioen aldean % 126,9koa izan da. Baina inportatu eta esportatu diren produktu energetikoak alde batera utzita, merkataritzako saldo ez-energetikoak 2.053 milioiko superabita izan du (2010. urteko hirugarren hiruhilekoan baino 721 milioi gehiago). Aztertutako aldian, estaldura-tasa ez-energetikoa % 155,7koa izan zen 2010ean eta % 176,4koa izan da 2011n.

Euskal AEko kanpo-merkataritzaren bilakaera. Urte arteko hazkunde tasak

Europar Batasunerako ziren 2011ko hirugarren hiruhilekoko esportazioak % 36,4 hazi dira, 2010eko aldi beraren aldean. Bolumena eta urtetik urterako hazkundea aintzat hartuta, esportazio horien artean honakoak azpimarratu behar dira: Frantziarakoak (% 20,7), Alemaniarakoak (% 31), Italiarakoak (% 47,1), Belgikarakoak (% 89,6) eta Erresuma Baturakoak (% 18,6). Gainera, Europar Batasuneko herrialde guztiekin hazkunde tasa positiboak eman dira. EB-27tik kanpo, nabarmentzekoa dira hurrengo herrialdeetarako esportazioen hazkundeak: Singapur (% 250,9), Iran (% 243,4) eta Norvegia (% 149,5).

Europar Batasunetik etorritako inportazioak % 11,5 gehitu dira; horien artean, bolumena eta urte arteko hazkundea oinarritzat hartuta, inportazio hauek dira aipatzekoak: Alemaniakoak (% 22,6), Frantziakoak (% 24), Italiakoak (% 9,5) eta Belgikakoak (% 32,7). Erresuma Batutik etorritako inportazioek, aldiz, behera egin dute (-% 47,2). Munduko gainerako herrialdeei dagokienez, Singapurretik (% 608,8), Indiatik (% 377,1) eta Ameriketako Estatu Batuetatik (% 111,9) etorritako inportazioen hazkundeak dira azpimarragarrienak.

Muga-zergak aztertuta, eta esportazioei dagokienez, Garraio-materiala izeneko atala nabarmendu behar da; atal hau garrantzitsuenen artean dinamikoena izan da, % 36ko hazkundea izan du eta hiruhileko horretako esportazio guztien % 21 hartu du. Gainerako atal garrantzitsuek ehuneko apalagoak izan dituzte: Metalak eta beren manufakturak % 5,7 hazi dira eta Material elektrikoa % 5,1. Horrez gain, Plastikoek eta kautxuak (% 198,8) izan duten hazkunde handia azpimarratu behar da, hiruhileko horretan esportatu den guztiaren % 16,6 hartu du eta.

Inportazioei dagokienez, Produktu mineralak azpimarratu behar dira: % 9,9 hazi dira, eta gure inportazioen % 35 hartu dute. Hazkunde garrantzitsuak izan dira Plastikoak eta kautxua (% 70,2) eta Produktu kimikoak (% 66,0) ataletan ere. Hazkunde apalagoak gertatu dira, inportazio garrantzitsuenen artean, Metalak eta beren manufakturak (% 2,1eko hazkundea) eta Material elektrikoa (% 4,0koa) ataletan.

Esportazioek Araban izan dute hazkunderik handiena. Lurralde horretako hazkundea % 47,8koa izan da 2011ko hirugarren hiruhilekoan, eta batez ere muga-zergen atal garrantzitsuenetan gertatu da: Garraio-materiala (% 47,2), Metalak eta beren manufakturak (% 25) eta Plastikoak eta kautxua (% 243,5); baina, beste aldean, Material elektrikokoek pixka bat behera egin dute (-% 0,6). Arabako inportazioek % 27,3 egin dute gora, eta horien artean garrantzitsuena Metalen eta beren manufakturen hazkundea izan da (% 30,1).

Euskal AEko kanpo-merkataritza. Hileko datuak (Joera)

Bizkaiko esportazioak % 20,3 hazi dira, aurreko urteko aldi beraren aldean. Lurralde honetan esportazioek izan duten hazkunde hori, batez ere Produktu mineralak (% 11,3) eta Plastikoak eta kautxua (% 223,4) ataletako salmenten guztirako bolumenak izandako portaera onaren eraginez gertatu dira. Metalek eta beren manufakturek, aldiz, % 7,8 egin dute behera. Guztira, hiru atal horiek lurraldeko esportazio guztien % 68 hartu dute. Bizkaiko inportazioek % 9,9 egin dute gora, batez ere Produktu mineralen (% 10,1) eta Plastikoen eta kautxuaren (% 113,2) inportazioen hazkundeak eraginda. Dena den, Metalek eta beren manufakturek % 4,2 egin dute behera.

Gipuzkoako esportazioek % 16,2 egin dute gora urte honetako hirugarren hiruhilekoan, hiru lurraldeotako hazkunderik txikiena. Garraio-materialak (% 43,8), Metalak eta beren manufakturak (% 13,9) eta Material elektrikoak (% 5) ataletako esportazioak izan dira hiruhileko honetako hazkundeari gehien lagundu diotenak. Gipuzkoako inportazioek % 5,6 egin dute gora. Inportatzen diren bi atal garrantzitsuenetan, Material elektrikoak % 9,7 hazi dira eta Metalak eta beren manufakturak, aldiz, % 3,5 jaitsi dira.

Argibide gehiago:

Euskal Estatistika Erakundea / Instituto Vasco de Estadística Donostia-San Sebastián kalea, 1 01010 Vitoria-Gasteiz Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus Harremanetarako pertsona: Patxi Garrido Tel.:+34-945-01 75 13 Faxa:+34-945-01 75 01 Euskal AEko Kanpo merkataritzaren estatistiken gaineko prentsa ohar gehiago Euskal AEko Kanpo merkataritzaren estatistiken gaineko datu-bankua

Euskera
Produktuaren datuak
Produktuaren datuak

Euskal AEko esportazioak % 25,5 hazi dira 2011ko hirugarren hiruhilekoan

Eragiketa : 
Kanpo-merkataritzaren estatistika
Eragiketa kodea : 
143101
Periodikotasuna : 
Hiru hilekoa
Denbora arloa : 
3er TRIMESTRE DE 2011
Eguneratze data : 
2011/12/07
Hurrengo eguneratzea : 
2019/09/23
Eragiketa mota : 
Beste batzuk
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0007632_e.html
Erakunde arduraduna : 

Beste produktu estatistikoak

Datuak

Mikrodatuak

Metadatuak

Galdesortak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali