2012-02-06ko prentsa-oharra

EUSKAL AEKO INDUSTRIA PRODUKZIOAREN INDIZEA (IPI) 2011KO ABENDUA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko industria jarduera % 2,4 jaitsi zen 2011ko abenduan

Aurreko hilabetearekin, 2011ko azaroarekin alderatuta, Euskal AEko industria produkzioa % 0,3 jaitsi zen

Eustaten datuen arabera, eta lan-egutegi homogeneoari dagokionez, Euskal AEko industria produkzioa 2010eko hilabete beraren aldean % 2,4 jaitsi zen 2011ko abenduan. Aurreko hilabetearen, hau da, 2011ko azaroaren aldean Euskal AEko industria produkzioa % 0,3 jaitsi zen, estazionalitate-ondorioak zuzendu ostean.

Euskal AEko Industria Produkzioaren Indizea. Hilez-hilekoak. Urte arteko hazkunde-tasak. Egutegiaren eragina zuzendutako datuak

Industria sektore nagusienak sailkatu ostean, 2011ko abenduko indizearen eta 2010eko abenduko indizearen bilakaeren artean aldeak gertatu dira sektore guztietan: Ekipamenduko Ondasunak % 2,5 igo dira, Tarteko Ondasunak % 4,5 jaitsi dira eta Kontsumo-Ondasun guztiak % 7,0 igo dira, Kontsumo-Ondasun Iraunkorrek (%11,3) eta Kontsumo-Ondasun Ez Iraunkorrek (% 6,0) gora egin dutelako. Energiak % 14,5 egin du behera.

2011ko abenduko hilabete arteko aldakuntzak (2011ko azaroaren aldean) ikur ezberdina izan du industriako sektore nagusietan. Tarteko Ondasunak % 2,7 jaitsi dira, Ekipamenduko Ondasunak % 0,3 jaitsi dira eta Energiak ez du aldaketarik izan (% 0,0). Kontsumo-Ondasun guztiek % 5,7 egin dute gora, Kontsumo-Ondasun Iraunkorrak % 7,1 igo dira eta Kontsumo-Ondasun Ez Iraunkorrak % 5,4.

2011ko abenduan (aurreko urteko hilabete beraren aldean) hazkunderik handienak izan dituzten sektore nagusiak Makineria eta ekipoa eta Elikagaien, edarien eta tabakoaren industriak izan dira, % 20,5 eta % 8,4ko tasekin hurrenez hurren, baita Materiala eta ekipo elektrikoa ere (% 1,7).

Euskal AEko Industria Produkzioaren Indizea  Sektore nagusiak. Urte arteko hazkunde-tasak. A-38 sektorizazioa. Behin-behineko datuak

Kontrara, Metalurgia eta produktu metalikoak sektoreak % 7,4 egin du behera, Energia elektrikoa, gasa eta lurrina sektorea % 7,0 jaitsi da eta Zurak, paperak eta arte grafikoek urte batetik bestera % 4,2 egin dute behera.

Lurralde historikoka, urte batetik besterako abenduko Industria Produkzioaren Indizea positiboa izan da Araban (% 12,0ko hazkundea), baina Bizkaian % 8,5 jaitsi da eta Gipuzkoan % 3,3 egin du behera. Hilabete batetik besterako hazkunde-tasa, 2011ko azaroarekin alderatuta betiere, negatiboa izan da Bizkaian (-% 0,2) eta Gipuzkoan (-% 2,7); alabaina, Araban % 4,4 egin du gora tasa horrek.

Euskal AEko Industria Produkzioaren Indizea  Hazkunde-tasak. 2011 abendua (p)

2011ko industria jardueraren balantzea

Euskal AEko 2011. urteko balantzeak % 2,0ko igoera metatua izan du Industria Produkzioaren Indizean.

Industriako sektore nagusiek ikur ezberdineko aldaketak izan dituzte urte batetik besterako metatuan. Ekipamenduko Ondasunak % 6,0 igo dira eta Tarteko Ondasunak % 3,3. Energiak % 7,5 egin du behera eta Kontsumo-Ondasun guztiak % 1,7 jaitsi ziren. Azken hauen artean, Kontsumo-Ondasun Iraunkorrak % 7,7 gutxitu ziren eta Kontsumo-Ondasun Ez Iraunkorrek ez zuten aldaketarik izan. Hori guztia, betiere, 2010. urtearekin alderatuta.

Lurralde historikoek 2011. urtean izan dituzten aldakuntza metatuak positiboak izan dira Araban (% 6,1) eta Gipuzkoan (% 3,0), baina Bizkaian % 0,9 egin dute behera.

Informazio gehiago:

Euskal Estatistika Erakundea / Instituto Vasco de Estadística Donostia-San Sebastián kalea, 1 01010 Vitoria-Gasteiz Tel.: +34-945-01 75 00 Faxa: +34-945-01 75 01 Helb. elek.: eustat@eustat.eus Harremanetan jartzeko pertsona: Gerardo Pérez Aja Tel.: +34-945-01 75 06 Faxa: +34-945-01 75 01 Euskal AEko Industria Produkzioaren Indizeari (IPI) buruzko prentsa-ohar gehiago Euskal AEko Industria Produkzioaren Indizeari (IPI) buruzko datu-bankua

Euskera
Produktuaren datuak
Produktuaren datuak

Euskal AEko industria jarduera % 2,4 jaitsi zen 2011ko abenduan

Eragiketa : 
Industria-produkzioaren indizea
Eragiketa kodea : 
112312
Periodikotasuna : 
Hilekoa
Denbora arloa : 
DICIEMBRE DE 2011
Eguneratze data : 
2012/02/06
Hurrengo eguneratzea : 
2019/09/10
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0008101_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali