2013-02-05eko prentsa-oharra

BARNE MERKATARITZAREN INDIZEA (BMI)- Txikizkakoa. 2012ko 4. hiruhilekoa

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko txikizkako sektoreko salmentak %4,2 jaitsi ziren 2012ko laugarren hiruhilekoan

Gasolindegiak sartu gabe, salmentak %5,0 murriztu ziren

Eustatek emandako datuen arabera, 2012ko laugarren hiruhilekoan, Euskal AEko txikizkako merkataritzaren sektorean salmenta nominalak %4,2 murriztu ziren, aurreko urteko hiruhileko beraren aldean.

Gasolindegiak sartu gabe, sektoreko salmentak %5,0 jaitsi ziren urte artekoan.

Aurreko hiruhilekoaren aldean salmenta-indizea %2,8 nominala jaitsi da, urtaro-eraginak kenduta.

graf0010263_01_e.png

Elikagaien salmenta nominalak %3,7 murriztu ziren 2012ko laugarren hiruhilekoan; Gainerako produktuenak %6,0 jaitsi ziren eta automobilgintzarako erregai-salmenta %1,4 igo, beti ere 2011ko aldi beraren aldean.

Elikagaien txikizkako merkataritzan espezializatua %5,5 jaitsi zen, eta elikagaiak nagusi diren ez-espezializatuan %2,8. Gainerako produktuen txikizkakoan %0,8ko igoera dago gainerako produktuak nagusi diren ez-espezializatuan, eta indar ezberdinetako jaitsierak gainerako sektoreetan. Etxeko ekipamenduaren espezializatuan %11,2ko jaitsiera; pertsonaren ekipamenduan %6,0koa; kontsumoko beste ondasunetan %3,5ekoa.

2012ko laugarren hiruhilekoan txikizkako sektoreko salmenta nominalak %4,8 murriztu dira Bizkaian urte artean, jaitsierarik handiena; Gipuzkoan %4,3 eta Araban %2,2.

Prezio finkoetan, alegia prezioen efekturik gabe, txikizkako merkataritzaren salmentak %7,0 murriztu ziren laugarren hiruhilekoan

Txikizkako salmentek -gasolindegiak sartu gabe- %7,4ko jaitsiera erreala –prezio finkoetan- izan dute aurreko urteko hiruhileko beraren aldean.

2012ko laugarren hiruhilekoan Euskal AEko txikizkako merkataritzaren salmenta errealetan %3,1eko jaitsiera izan da hirugarren hiruhilekoaren aldean eta urtaro-eraginak kenduta.

Elikagaien txikizkakoan jaitsiera erreala %6,5 izan zen; gainerako produktuetan %8,0, 2011ko hiruhileko beraren aldean, eta automobilgintzarako erregai-salmentetan %5,3.

Elikagaien txikizkakoan urte artekoak negatiboak izan dira bai espezializatuan %7,6, bai elikagaiak nagusi diren ez-espezializatuan, %5,6. Gainerako produktuen merkataritzan, jaitsierak sektore guztietan. Etxearen ekipamenduan %11,7ko jaitsiera; pertsonaren ekipamenduan %8,3koa; kontsumoko beste ondasunetan %5,2koa, eta beste produktuak nagusi diren ez-espezializatuen salmentetan %2,1ekoa, beti termino errealetan.

Hiru lurraldeetan izan ziren jaitsierak salmentetan termino errealetan: Bizkaian %7,4, Gipuzkoan %7,0, Araban %5,4.

Euskal AE osoan, 2012ko hirugarren hiruhilekoaren aldean, merkataritzako sektorean landunen kopurua %0,7 murriztu zen 2012ko laugarren hiruhilekoan.

Urteko balantzea.

Urte osoan, txikizkako merkataritzaren salmentek %3,1eko jaitsiera nominal metatua izan dute. Gasolindegiak sartu gabe, gainerakoen salmentetan %3,8ko jaitsiera dago 2012ko datu metatuetan 2011koen aldean.

Termino errealetan, sektorea osorik %5,3 jaitsi da eta gasolindegirik gabe %5,2.

Tasa nominaletan Araba jaitsi da gutxien, %1,4; Gipuzkoa %3,4 eta Bizkaia %3,5. Prezio finkoetan, gauza bera: Araban %4,5eko jaitsiera, Bizkaian %5,3koa eta Gipuzkoan %5,7koa.

2012an txikizkako merkataritzaren enplegu-galera aurreko urteko batez bestekoaren aldean %3,8 izan da Euskal AEn.

graf0010263_02_e.png

Informazio gehiago:

Euskal Estatistika Erakundea / Instituto Vasco de Estadística Donostia-San Sebastián kalea, 1 01010 Vitoria-Gasteiz Tel.: +34-945-01 75 00 Faxa: +34-945-01 75 01 Helb. elek.: eustat@eustat.eus Harremanetan jartzeko pertsona: Gerardo Pérez Aja Tel.: +34-945-01 75 06 Faxa: +34-945-01 75 01 Euskal AEKo Txikizkako Merkataritzaren Indizearen gaineko prentsa-ohar gehiago Euskal AEKo Txikizkako Merkataritzaren Indizearen gaineko datu-bankua  

Euskera
Produktuaren datuak
Produktuaren datuak

Euskal AEko txikizkako sektoreko salmentak %4,2 jaitsi ziren 2012ko laugarren hiruhilekoan

Eragiketa : 
Txikizkako merkataritzaren indizea
Eragiketa kodea : 
142530
Periodikotasuna : 
Hiru hilekoa
Denbora arloa : 
4º trimestre de 2012
Eguneratze data : 
2013/02/05
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0010263_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali