2013-03-18ko prentsa-oharra

EUSKAL AEKO ESKOLA-JARDUERARI BURUZKO ESTATISTIKA, 2011/12 ikasturtea

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Unibertsitatetik kanpoko ikasleria %2,2 hazi zen 2011/12 ikasturtean Euskal AEn

Azken bederatzi urteetan ikasle atzerritarren kopurua hirukoiztu egin da

2011/12 ikasturtean ikasketa ez-unibertsitarioren batean 415.500 ikasle aritu ziren, aurrekoan baino %2,2 gehiago, Eustaten datuen arabera. Haietatik 383.654 (%92) araubide orokorreko ikasketetan aritu ziren; 6.533 matrikula berri egin ziren, %1,7 gehiago.

Araubide bereziko ikasketetan, 31.846 matrikulazio, aurreko ikasturtean baino %9 gehiago. Araubide berezikoetan eginiko hamar matrikulatatik bederatzi Hizkuntza Eskola Ofizialetan egin ziren, 27.825 ikasle guztira. Ikasle kopuruan bigarren Musika dugu, non 2.767 pertsona aritu baitziren. Hona hemen kopuruak gainerako ikasketetan: Kirol ikasketak (515), Arte Plastiko eta Diseinua (407), Goi mailako artistikoak (229), Dantza (103).

graf0010330_01_e.png

Ikasleen %58 zentro publikoetan aritu zen

Zentro publikoan edo pribatuan aritzeko orduan, araubide orokorrekoetan ikasle-banaketa orekatua izan zen maila guztietan; salbuespenak Lan Hezkuntza, maila ertainekoa (%62 publikoetan) eta HH (Helduen Hezkuntza, %98).

Araubide Bereziko Irakaskuntzetan aniztasun handiagoa izan zen ikasi beharrekoen arabera; izan ere, prestakuntza-programa hauetan zentro-kopurua txikiagoa da, eta eskaintzak asko baldintzatzen du aukeraketa. Hizkuntza, Dantza eta Goi mailako artistikoak zentro publikoetan ikasten dira, bestelako eskaintzarik ez dago-eta. Musikan, Kirol irakaskuntzan eta Arte Plastikoetan, publikoetan %66, %51 eta %43 ari dira.

Maila ertaineko lan hezkuntzan hazi da gehien matrikula-kopurua, aurreko ikasturtean baino %4,6 gehiago

Maila ertaineko lan hezkuntzan ikasle kopurua jaitsi egin zen zenbait urtez; orain, hirugarren urtez jarraian, nabarmen hazi da, 11.990 ari dira, %5 gehiago. Orain hiru ikasturteetako kopuruarekin alderatuz gero, %17 hazi da.

Neurri txikiagoan hazi da Goi mailako lan hezkuntza, %1,7, 17.689 matrikula guztira, aurreko bi ikasturteetan %10 eta %5 hazi zen.

Haur hezkuntzan (96.577) eta Lehen mailan (120.288) ditugu matrikularik gehien; guztira, Araubide orokorrekoetan ari direnen %56 dira. Badira hamar urte maila hauetan hazkundea izan dugula, neurri ezberdinez eta bakarrak direlarik. Aurten, %1,9 eta %2,6.

Adierazgarria baita ere DBHn aritutako ikasle kopurua, 72.144, 1.628 matrikula berri, %+2,3. Izan ere, orain hamar urte haur eskoletan izaniko igoera ari da igartzen gaur egun DBHn.

Jaitsierak ditugu Lan kualifikaziorako hastapen programetan (%-2,5) eta Helduen Hezkuntzan (%-2,8).

Batxilergoan 28.968 gazte aritu ziren, aurreko urtean bezalatsu.

Ikasle atzerritarrak hirukoiztu egin dira bederatzi urteetan

2011/12 ikasturtean 34.341 atzerritar matrikulatu ziren, guztien %7,3. Haietatik 32.774 araubide orokorrekoetan eta 1.567 berezietan.

Bizkaian aritu ziren ikasle atzerritar gehienak, guztien %50; Gipuzkoan %27 eta Araban %23. Arabak du, halere, proportziorik handiena.

Araban bizi diren ikasle atzerritarren %85, 6.619 gazte, Gasteizen ari dira; Bilbon Bizkaikoen %40, 6.889, eta Gipuzkoakoen %30, 2.780, Donostian.

Azken bederatzi urteetan ikasle atzerritarrak ugaritu egin dira 2003/04 ikasturtean ari zirenak hiru aldiz izan arte, eta hori lurralde guztietan gertatzen da . Ikasturte honetan geldialdia dago, baina bada alderik lurraldeen artean: Araban 298 ikasle gehiago (%+4); Gipuzkoan 67 gehiago (%+0,7); Bizkaian 356 gutxiago (%-2).

1. grafikoa.- ikasle atzerritarrak, arlo espazialaren arabera

graf0010330_02_e.png

Iturria: EUSTAT. Eskola-jardueraren estatistika 2011-12

Ikasle atzerritarren %76 zentro publikoetan aritu zen. Azken bederatzi urteetan joera ez da aldatu.

Maila gainditzen duten neska-portzentajea mutilena baino handiagoa da maila guztietan

2011. urtean Lehen maila 17.841 ikaslek gainditu zuten, %96,5ek. Ehuneko hori %97 da neskatoen artean, eta %96 mutikoen artean.

Bigarren hezkuntzan (DBH) 14.339 ikaslek lortu zuten gradudun titulua, 4.ean aritutakoen %91ek. Nesken portzentajea %92; mutilena %89. Batxilergoa %78k gainditu zuen, 11.495 ikaslek; nesken %80k eta mutilen %76k.

Maila ertaineko lan hezkuntzan, 3.795 ikaslek bukatu zuten zikloa (%80k), nesken %89k eta mutilen %74k; goi-mailan 6.807k, nesken %89k eta mutilen %84k.

2. grafikoa.- Maila gainditutako ikasleak, mailen eta sexuaren arabera (%)

graf0010330_03_e.png

Iturria: EUSTAT. Eskola-jardueraren estatistika 2011-12

Maila guztietan, zentro pribatuetako ikasle gehiagok gainditzen dute; aldea txikia da Lehen mailan eta Maila ertaineko lan hezkuntzan, baina batxilergoan ehuneko 18 puntu dira, publikoen kalterako.

Argibide gehiago: Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus Harremanetan jartzeko pertsona: Mª José Triguero Triguero Tel.: +34-945-01 75 46 Faxa: +34-945-01 75 01. Euskal AEko Eskola-Jarduerari buruzko Estatistikaren gaineko prentsa-ohar gehiago. Euskal AEko Eskola-Jarduerari buruzko Estatistikaren gaineko datu-bankua.

Euskera
Produktuaren datuak
Produktuaren datuak

Unibertsitatetik kanpoko ikasleria %2,2 hazi zen 2011/12 ikasturtean Euskal AEn

Eragiketa : 
Eskola-jardueraren estatistika
Eragiketa kodea : 
040601
Periodikotasuna : 
Urtekoa
Denbora arloa : 
Eguneratze data : 
2013/03/18
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0010330_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali