Prentsa-oharra 2013/07/23

EUSKAL AEko INDUSTRIA PREZIOEN INDIZEA (IPRI). 2013KO EKAINA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

EAEko industria-prezioek % 0,3 behera egin zuten 2013ko ekainean, aurreko hilabetearekin konparatuta

Iazko datuekin alderatuta (2013ko ekainetik 2012ko ekainera bitarteko aldia) % 1,0 murriztu ziren

2013ko ekainean, Euskal AEko industri prezioak % 0,3 jaitsi dira, aurreko hilabetekoekin alderatzen badugu. Horixe adierazten dute EUSTATeko datuek. Hala, ekaineko urtetik urterako tasa (azken hamabi hilabeteotako industria prezioen aldakuntza jasotzen duena) % 1,0 murriztu da.

Sektore-azterketa xehatuagoaren arabera, 2013ko ekainean, sektore hauek izan dute hazkunderik handiena inflazioari dagokienez: altzariak eta beste manufaktura-industriak (% 0,5), industria kimikoa (% 0,2) eta ehungintza, jantzigintza, larrugintza eta oinetakogintzako industria (% 0,2). Aldiz, prezio-beherakadarik handiena erauzketa-industria (% 2,1), energia elektrikoa, gasa eta lurruna (% 1,3) eta botikagintza sektoreek (% 1,0) izan dute.

2012ko ekainetik 2013ko ekainera bitarteko aldian, prezioen hazkunderik handienak honako alor hauetan gertatu dira: botikagintza eta kokeriak eta petrolioa fintzea (bietan, prezioak % 2,2 igo dira), makineria- eta ekipamendu-fabrikazioa eta ehungintza, jantzigintza, larrugintza eta oinetakogintzako industriak (beste bi horien kasuan, igoera % 2,0 izan da). Ostera, beste sektore batzuetan prezioek behera egin dute, hurrengoetan, zehazki: energia elektrikoa, gasa eta lurruna (% 5,1), metalurgia eta metal-produktuak (% 2,9), altzariak eta bestelako manufaktura-industriak (% 1,7).

Ondasunen helburu ekonomikoaren araberako sailkapenari jarraiki, ekainean, sektore talde handi ia guztietako prezioek behera egin dute. Energiaren prezioa % 1,2 murriztu da, eta bitarteko ondasunena eta ekipo-ondasunena, berriz, % 0,1. Orokorki begiratuta, kontsumo-ondasunek ez dute aldakuntzarik izan, kontsumo-ondasun ez-iraunkorren prezioek beherakada izan baitute (% 0,1). Kontsumo-ondasun iraunkorrena, aldiz, % 0,3 igo da.

Urtetik urterako aldian, ondasun-talde handiotako prezioen aldakuntzek zeinu ezberdina izan dute. Energiari dagozkionek behera egin dute (% 1,4), bai eta bitarteko ondasunena ere (% 2,0). Aitzitik, prezioak igo dira ekipo-ondasunetan (% 1,1) eta kontsumo-ondasunetan (% 0,2). Azken horien artean, kontsumo-ondasun iraunkorren prezioak eta kontsumo-ondasun ez-iraunkorrenak areagotu egin dira, hurrenez hurren, % 0,3 eta % 0,2.

Euskal AEko Industriako Prezioen Indizea. Aldakuntza-tasak. 2013ko ekaina (p)
Iturria: Eustat. Auskal AEko industria prezioen indizea (IPRI)

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Industria Prezioen Indizeari (IPRI) buruzko prentsa-ohar gehiago Euskal AEko Industri Prezioen Indizearen (IPRI) gaineko datu-bankua

Euskera
Produktuaren datuak
Produktuaren datuak

EAEko industria-prezioek % 0,3 behera egin zuten 2013ko ekainean, aurreko hilabetearekin konparatuta

Eragiketa : 
Industria- prezioen indizea
Eragiketa kodea : 
182313
Periodikotasuna : 
Hilekoa
Denbora arloa : 
JUNIO DE 2013
Eguneratze data : 
2013/07/23
Hurrengo eguneratzea : 
2019/11/22
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0010668_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali