2013/12/11ko prentsa-oharra

BIZTANLERIA ETA ETXEBIZITZA ZENTSUA (CPV) - 2011

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

2011n Euskal AEn lau pertsonatatik batek unibertsitate-prestakuntza zuen

Lanbide Hezkuntzan, titulazioen bi heren goi mailakoak dira

2011n 10 urte eta gehiagoko pertsonen %24,1, ia lautik bat, unibertsitate mailako ikasketak egina zen, ertain-goikoak edo goikoak; guztira 475.000 pertsona, Eustaten arabera.

2006an 418.000 pertsona (%21,5) zirenez, hazkundea ehuneko 2,6 puntukoa da. Emakumeen artean %25,8 eta gizonen artean %22,3 dugunez, aldea hazi egin da 2006tik.

10 urte eta gehiagoko biztanleen bilakaera, ikasketa mailaren arabera. Euskal AE (%). 1986-2011
Iturria: Eustat. Biztanleriaren eta etxebizitzen zentua 2011

10 urte eta gehiagoko biztanle analfabetoak %0,5 dira; gizonen %0,3 eta emakumeen %0,7. Analfabetoak adineko pertsonak dira batik bat: 65 urte arte %0,2 dugu, hortik aurrera %1,4, 2006tik puntu erdia gutxitu delarik.

Lurralde artean ez dugu alde handirik. Araban bigarren mailako ikasketak %22,2k egin ditu, Euskal AEn %20,9k; Bizkaian unibertsitatean %24,9 aritu da, eta erkidegoan %24,1; Gipuzkoan %17,6 aritu da lan-hezkuntzan, Euskal AEn baino ehuneko puntu bat gehiago.

Eskualde artean aldeak handiagoak dira. Plentzia-Mungian (%33), Donostian (%26,4) eta Gorbeiako Inguruetan (%26,0) ditugu unibertsitate-ikasketarik gehien. Lanbide Hezkuntzan, batez bestekoaren (%16,5) gainetik: Enkarterriak (%20,4) eta Debagoiena (%20,0).

Unibertsitate-ikasketak dituen 10 urte eta gehiagoko biztanleria, eskualdeka. Euskal AE-2011 %

Unibertsitate-ikasketak dituen 10 urte eta gehiagoko biztanleria, eskualdeka. Euskal AE-2011 %

Iturria: Eustat. Biztanleriaren eta etxebizitzen zentua 2011

2011n 10 urte eta gehiagokoen %24,3, 480.000 pertsona, ikasketaren batean ari ziren

Ikasleak 2006tik (%22,2) ehuneko bi puntuz gehitu dira, kopuruan 47.000 pasa gehiago.

Lehen eta Haur Hezkuntzan ikasleen %48,4 ari da; bigarren mailakoetan %24,5; unibertsitateko goi mailan %14,5; lanbide hezkuntzan %7,6; ertain-goikoetan %5.

Hezkuntzako zenbait mailatan bada alderik sexuari begiratuz gero. 2011n emakumeen %16,1 unibertsitatean ari zen, gizonen %12,9. Emakumeak (%5,7) gehiago dira ertain-goiko mailetan gizonak (%4,3) baino; baita, alde txikiagoz bigarren mailakoetan D %25-%24). Gizonak (%8,9) gehiago dira lanbide-hezkuntzan emakumeak (%6,4) baino, eta lehen mailan (%50-%46,8).

Ikasleak, ari diren ikasketen eta sexuaren arabera. Euskal AE (%). 2011
Iturria: Eustat. Biztanleriaren eta etxebizitzen zentua 2011

2006tik bai unibertsitate-tituludunak, bai lanbide-hezkuntzakoak gehitu egin dira

2011n 10 urte eta gehiagokoen %18,5ek bazuen tituluren bat, ertain-goikoa edo goikoa. Emakumeen %20,3k eta gizonen %16,7k. 2006tik hona, titulu ertain-goikoa edo goikoa dutenak ehuneko 1,3 puntuz gehitu dira.

Lanbide-tituludunak ere gehitu dira: 2006ko %14,6tik 2011ko %15,6ra; tituludun gizonak %18,6 dira eta emakumeak %12,8. Lanbide Hezkuntzako tituluen bi heren goi mailakoak dira, alegia Goi Mailako Prestakuntza Zikloetakoak.

Bizkaiak ditu tituludun gehien (%19,5), unibertsitate-ikasketei dagokienez; Gipuzkoak %17,6 eta Arabak %16,8. Bizkaiak zuen proportziorik handiena bai ikasten ari zirenen kasuan, bai ikasketa-mailan. Lanbide Hezkuntzan tituludun gehien Gipuzkoak (%16,8) ditu; Arabak %15,7 eta Bizkaiak %14,9.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 CPV2011ri buruzko prentsa-ohar gehiago Euskal AEko CPV2011 -datu bankua

Euskera
Produktuaren datuak
Produktuaren datuak

2011n Euskal AEn lau pertsonatatik batek unibertsitate-prestakuntza zuen

Eragiketa : 
Biztanleriaren eta etxebizitzen zentsuak
Eragiketa kodea : 
010152
Periodikotasuna : 
Hamar urtekoa
Denbora arloa : 
2011
Eguneratze data : 
2013/12/11
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0011162_e.html
Erakunde arduraduna : 

Beste produktu estatistikoak

Datuak

Grafiko interaktiboak

Txostenak

Mikrodatuak

Metadatuak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali