HomeGaiakJaiotzakPrentsa Oharrak Euskal AEn jaiotako...

2014/05/14ko prentsa-oharra

EUSKAL AEko JAIOTZEN ESTATISTIKA (JAIE) - izen ugarienak 2010-2012

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEn jaiotako haurren izen ugarienak, Ane eta Markel

Gurasoek euskal izen bakunetara joten dute

1996tik hona, Ane da neska-izena aukeratzeko orduan gurasoen kutunena, Eustaten arabera, Euskal AEn 2010-2012 artean jaiotakoen izenez ari delarik. Ondoren June, Irati, Nahia, Uxue, Izaro.

Mutikoentzako izen ugarienak: Markel, Jon, Iker, Oier, Ander, Unai.

Erregistro Zibilak gehienez bi izen bakun edo konposatu bat jartzeko aukera ematen du; gurasoek bakun batera jotzen dute. Ehun izen ugarienen artean ez dago konposaturik bat ere; garai batean oso-oso ohikoak ziren.

Izen bereko grafia ezberdinak

Euskal izenak dira nagusi, batzuetan bi grafia agertzen direlarik: Ane-Anne, Itxaso-Itsaso, Leire-Leyre, Jon-Ion, Aritz-Haritz. Maria eta Miren bikotean izan ezik, izen baten euskal forma nagusitzen da; horixe gertatzen da Ane-Ana, Xabier-Javier, Jon-Juan, Mikel-Miguel bikoteetan.

“Naia” eta “Nahia” izenez azalpena eman beharra dago. “Naia”, seguru asko, “Nahia”-ren aldagaitzat hartzen da; azken hau da Euskaltzaindiak onartzen duena. “Naia” zortzigarren dago neska-izenen artean, ziurrenik arestian aipatu arrazoiagatik. “Naia”, bestalde, zenbait hizkuntzatan (frantsesa, katalana, ingelesa) agertzen da, eta Espainiako toponimoetan. “Nahia” dudarik gabe euskal izena da; laugarren neska-izenen zerrendan. Bien artean neska-izen ugariena osatuko lukete (1.104 aipamen, %3,61).

Ama atzerritarrek ere euskal izenak aukeratzen dituzte

Ama atzerritarrek ere euskal izenak aukeratzen dituzte, baina badago alderik rankin orokorraren aldean. 5 neska-izen ugarienen arteko 3 –Naiara, Ainhoa, Nahia- euskal izenak dira; zerrendako aurrenekoa Sara da, hebrear jatorrikoa. Mutiko-izenetan Iker aurrena eta Ander laugarrena, euskal izenak; bigarren Adam, hebrearra; hirugarren Mohamed, arabiarra; bosgarren Rayan, zeinak hainbat jatorri eduki ditzakeen.

Amen artean Ainhoa nagusi; aiten artean Aitor

Hona hemen 2010/2012 artean ama izan zirenen izen ugarienak: Ainhoa, Leire, Nerea, Amaia, Sonia, María, Marta, Ainara, Susana, Mónica. Emakume hauek, gehienak 1972-1982 artean jaio ziren; 3 izen ugarienak euskal izenak ziren, baina izen gaztelarrak oraindik asko erabiltzen ziren. Izen ugarienak bakunak ziren, baina amen %14 inguruk María zuen izen konposatuan.

2010/2012 artean aita izan zirenen izen ugarienak: Aitor, Javier, David, Iñigo, Asier, Oscar, Gorka, Iker, Francisco Javier, Iñaki. 1970-1980 artean jaiotako gizonak ziren gehienak; izen konposatuak gutxituz, euskal izenak gehituz.

1. taula: Euskal AEn jaioen 25 izen ugarienak. 2010-2012
Iturria: Eustat. Euskal AEko jaiotzen estatistika

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEKo JAIOTZEN ESTATISTIKAri buruzko prentsa-ohar gehiago Euskal AEko JAIOTZEN ESTATISTIKAri buruzko datu-bankua

Euskera
Produktuaren datuak
Produktuaren datuak

Euskal AEn jaiotako haurren izen ugarienak, Ane eta Markel

Eragiketa : 
Jaiotzen estatistika
Eragiketa kodea : 
010302
Periodikotasuna : 
Hiru hilekoa
Denbora arloa : 
Eguneratze data : 
2014/05/14
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0011634_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali