Prentsa-oharra 2014/09/24

EAE-KO INDUSTRIA PREZIOEN INDIZEA (IPRI), 2014KO ABUZTUA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

2014ko abuztuan, EAEko industriako prezioek ez zuten aldaketarik izan aurreko hileko prezioekiko

Aurreko urteko prezioekiko (2014ko abuztua 2013koaren aldean) % 0,4 jaitsi ziren

EUSTATen datuen arabera, Euskal AEko industri prezioek ez dute aldaketarik izan (% 0,0) 2014ko abuztuan, aurreko hileko prezioekiko. Datu horiek kontuan hartuta, abuztuko urte arteko tasa (azken hamabi hilabeteetan industriako prezioek izandako aldakuntza) % 0,4 jaitsi da.

Sektorekako azterketa xehatuak agerian uzten du, 2014ko abuztuan, honako adar hauek igo dituztela gehien prezioak, aurreko hilaren aldean: Energia elektrikoa, gasa eta lurruna (% 1,3ko igoera); Ehungintza industriala, jantzigintza, larrugintza eta zapatagintza (% 1,0ko igoera); eta Industria Kimikoa (% 0,9ko igoera). Aitzitik, prezioak gehien jaitsi dituzten sektoreak dira, batetik, Koke-lantegiak eta petrolioaren birfinketa (% 1,9ko jaitsiera), eta, bestetik, Elikagaien, edarien eta tabakoaren industria (% 0,9ko jaitsiera).

Urtetik urterako datuei dagokienez (2014ko abuztua 2013koaren aldean), prezioak gehien igo dituzten adarrak hauek izan dira: Energia elektrikoa, gasa eta lurruna (% 2,7ko igoera) eta Zuraren, paperaren eta arte grafikoen industria (% 0,7ko igoera). Aitzitik, jaitsi egin dira, besteak beste, honako sektore hauetako prezioak: Koke-lantegiak eta petrolioaren birfinketa (% 5,3ko jaitsiera), Erauzketa-industriak (% 2,8ko jaitsiera) eta Garraio materialaren fabrikazioa (% 0,9ko jaitsiera).

Xede ekonomikoaren araberako ondasun-sailkapenari jarraikiz, sektore-talde handiek abuztuko prezioetan –aurreko hilekoekiko– izan duten aldaketa negatiboa izan da Energia taldearentzat, prezioak % 0,4 jaitsi baititu; aitzitik, Bitarteko ondasunak taldeak % 0,4 igo ditu prezioak, eta Ekipo ondasunak taldeak, berriz, ez du aldaketarik izan (% 0,0). Kontsumo Ondasunak taldeko prezioak, oro har, % 0,5 jaitsi dira; izan ere, jaitsi egin dira bai Kontsumo-ondasun ez-iraunkorren prezioak (% 0,6ko jaitsiera), bai Kontsumo-ondasun iraunkorrenak (% 0,3ko jaitsiera).

Ondasun-talde handi hauen prezioen urtetik urterako aldaketa negatiboa izan da Energia taldearentzat (% 1,9ko jaitsiera) eta Ekipo Ondasunak taldearentzat (% 0,6); aitzitik, Bitarteko ondasunak taldeak % 0,2ko igoera izan du. Bestalde, Kontsumo Ondasunak taldeari oro har dagozkion prezioak % 0,5 jaitsi dira. Azken horien barruan, Kontsumo-ondasun iraunkorren prezioak %1,3 jaitsi dira, eta Kontsumo-ondasun ez-iraunkorrenak, berriz, % 0,2.

graf0012010_01_e.png

Informazio gehiago lortzeko:

Eustat - Euskal Estatistika Erakundea / Instituto Vasco de Estadística Donostia kalea 1, 01010 Gasteiz Prentsa-zerbitzua: servicioprensa@eustat.eus Tel.: 945 01 75 62 EAEko industria-prezioen indizeari (IPRI) buruzko prentsa-ohar gehiago EAEko industria-prezioen indizeei (IPRI) buruzko datu-basea

Euskera
Produktuaren datuak
Produktuaren datuak

2014ko abuztuan, EAEko industriako prezioek ez zuten aldaketarik izan aurreko hileko prezioekiko

Eragiketa : 
Industria- prezioen indizea
Eragiketa kodea : 
182313
Periodikotasuna : 
Hilekoa
Denbora arloa : 
Agosto 2014
Eguneratze data : 
2014/09/24
Hurrengo eguneratzea : 
2019/11/22
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0012010_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali