HomeGaiakEnpresakPrentsa Oharrak Merkataritza elektronikoak...

2015/07/15eko prentsa-oharra

INFORMAZIOAREN GIZARTEAREN INKESTA. ENPRESAK. 2014

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Merkataritza elektronikoak haziz darrai 2014an Euskal AEn, bai parte hartzen duten enpresen aldetik, bai zifra ekonomikoetan

Euskal enpresen %24,8k merkataritza elektronikoa egin zuen, aurreko urtean baino ehuneko 3,2 puntu gehiagok; salmentak %9,5 gehitu ziren

Euskal AEko merkataritza elektronikoak eutsi egiten dio hazteari, bai zifra ekonomikoetan, euroetan, bai egiten duten enpresa kopuruan, Eustaten datuen arabera. Euskal enpresen %24,8k merkataritza elektronikoa egin zuen 2014an, aurreko urtean baino ehuneko 3,2 puntu gehiagok. Sarearen edo bestelako sistema elektronikoen (e-maila, EDI, datu-truke elektronikoa, etab.) bidez sortutako negozio-bolumena, 12.124,6 milioi salmentetan, eta 9.326,1 erosketetan.

Zifra horien arabera, aurreko urtearen aldean %9,5 gehitu ziren Euskal AEko enpresetan merkataritza elektronikoaren bidez egindako salmentak; erosketak %15,3.

graf0012652_01_e.png

Salmenta elektronikoak, lurraldeka: Bizkaian Erkidegoko guztien %36,4; Gipuzkoan %32,2; Araban %31,4. Erosketa elektronikoak 2014an: Bizkaian guztien %51,2; Gipuzkoan %31,9; Araban %16,9.

Araban gehitu dira gehien erosketak 2014an, %18, eta gutxien salmentak, %7. Bizkaian salmenta hazkunderik handiena, %11,2; erosketetan %13,6. Gipuzkoa bigarren, bai erosketetan (%+16,6), bai salmentetan (%+10,1).

Establezimenduen tamainari erreparatuta, 10 enplegatu edo gehiagokoek lortu zituzten emaitza nagusiak merkataritza elektronikoaren erabileran, salmenten %82,1 eta erosketen %67,7.

Merkataritza elektronikoa egiten duten Euskal AEko enpresen portzentajea %24,8 da, 2014an ehuneko 3,2 puntuz gehitu delarik. Portzentaje hau, batez ere, erosketak egiten dituzten enpresek osatzen dute, %23,1; neurri txikiagoan salmenta egileek, %6.

Zifra ekonomikoetan salmenta elektronikoena erosketenaren oso gainetik dago, baina bide elektronikoetatik erosten duten enpresak (%23,1) saltzen dutenak (%6) baino askoz gehiago dira.

graf0012652_02_e.png

Egindako kalkuluen arabera, 40.700 inguru dira Euskal AEn merkataritza elektronikoa egiten duten establezimenduak. Establezimendu horiek bide horretatik egindako erosketak guztien %30,6, eta salmentak, guztien %38,9.

Zifra hauek aldatu egiten dira enpresen tamaina kontuan hartuz gero. 10 langile edo gehiagokoek, %28,8k egiten dute merkataritza elektronikoa; aurreko urtearen aldean ehuneko 1,3 puntuz hazi da. Segmentu honetan ere, erosketak egiten dituztenak askoz gehiago dira, %25; salmenta egileak %10,8 dira. Azken urtean ehuneko 1,6 eta 0,8 puntu gehitu dira.

graf0012652_03_e.png

Salmenta elektroniko horiek egiteko erabili den bitartekoari dagokionez, %43,6 posta elektronikoz (e-mailez) egin dira; %34,3 EDI eta beste sare batzuen bidez; %22,2 web orritik. Salmentak horrela egin dira: %41,4 EDI eta beste sare batzuen bidez, %35,3 e-mailez eta %23,3 web orriaren bidez.

2014an merkataritza elektroniko bidez egindako salmenten bezero-motari dagokionez, salmenta guztien %85,7 beste enpresa batzuetara saldu zen (B2B deritzon merkataritza), %13,6 kontsumitzaile partikularrei (B2C) eta %0,6k bestelako helburuak izan zituen, esaterako, administrazio publikoak (B2G).

graf0012652_04_e.png

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Informazioaren gizartearen inkesta. Enpresak; prentsa ohar gehiago Informazioaren gizartearen inkesta. Enpresak; datu-bankua

Euskera
Produktuaren datuak
Produktuaren datuak

Merkataritza elektronikoak haziz darrai 2014an Euskal AEn, bai parte hartzen duten enpresen aldetik, bai zifra ekonomikoetan

Eragiketa : 
Informazioaren gizartearen inkesta. Enpresak
Eragiketa kodea : 
223002
Periodikotasuna : 
Urtekoa
Denbora arloa : 
Eguneratze data : 
2015/07/15
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0012652_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali