2016/02/17ko prentsa-oharra

DENBORA AURREKONTUEN INKESTA. Monografikoa

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Eustaten argitalpen batean Euskal AEko bi hamarralditako gizarte-aldaketa aztertzen da, denboraren erabileraren bidez

Monografikoa eskuragarri dago webean

Eustatek argitara berri du, formatu elektronikoan, euskal biztanleen denbora banaketaren azterketa. Monografikoa eskuragarri dago Eustaten webean: “Bi hamarkadako gizarte-aldaketa Euskal AEn denboraren erabileraren bitartez. Denbora-Aurrekontuen Inkesta, 1993-2013.”

Azken bi hamarraldietako gizarte-aldaketa nagusien analisia eskaini nahi da, Eustatek 1993-2013 bitartean bost urtero eginiko Denbora-Aurrekontuen Inkestetako datuak aztertu ondoren.

Hainbat datu interesgarri: 2013an euskal hiritar batek 11 ordu eta 56 minutu pasatzen zituen batez besteko egun batez behar fisiologikoetan eta norbera zaintzen, 1993an baino 31 minutu gehiago. Lan ordainduan/prestakuntzan 2 ordu eta 48 minutu, 1993an baino 21 minutu gutxiago; gizarte-bizitzan 44 minutu, orain bi hamarraldi baino 26 minutu gutxiago.

Aisian, bai aktiboan, bai pasiboan, 4 ordu eta 26 minutu, 26 minutu gutxiago; joan-etorrietan ordubete eta 13 minutu, 15 minutu gehiago; etxeko lanetan 2 ordu eta 24 minutu, 16 gutxiago; etxeko beste pertsonak zaintzen 29 minutu, 10 gehiago.

Denbora Aurrekontuen Inkestak xehe-xehe esaten digu egunerokotasunean biztanleek zertan pasatzen duten denbora, jarduera bakoitzean zenbat.

Inkestako datuak ustiatuz, banakoek nahiz talde sozialek hainbat jardueratan ematen duten denbora jakin ahal izan da, betiere adinaren, generoaren, laneko egoeraren, ikasketen edo lurraldearen aldagaien arabera.

Eguneroko jarduerak zenbait epigrafetan multzokatzen dira: behar fisiologikoak (lo egitea, jatea eta norbera zaintzea batik bat); lan ordaindua eta prestakuntza; etxeko lana; etxeko lagunak zaintzea; aisialdi aktiboa eta pasiboa; joan-etorriak.

Argitalpenean erakutsi nahi izan da krisialdiak zenbateraino eragin dion euskal gizarteari denboraren erabileran.

Azpimarragarri da jorratu gabeko gai-arloak ekarri direla oraingoan, esaterako elikadura-ohiturak, lo egitekoak, nazioarteko konparazio-azterketa.

Monografikoa unibertsitateko analisten eta Eustaten lankidetzaren fruitu da, parte-hartzaile nagusiak izan direlarik: EHU, Madrilgo Konplutensea, Madrilgo Autonoma, Matía Fundazioa, DESTATIS (Alemaniako Estatistika Institutua).

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62

Euskera
Produktuaren datuak
Produktuaren datuak

Eustaten argitalpen batean Euskal AEko bi hamarralditako gizarte-aldaketa aztertzen da, denboraren erabileraren bidez

Eragiketa : 
Denbora-aurrekontuen inkesta
Eragiketa kodea : 
010902
Periodikotasuna : 
Bost urtekoa
Denbora arloa : 
1993-2013
Eguneratze data : 
2016/02/17
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0013237_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali