HomeGaiakEnpresakPrentsa Oharrak Merkataritza elektronikoak...

2016/08/02ko Prentsa-oharra

INFORMAZIOAREN GIZARTEAREN INKESTA. ENPRESAK – 2016

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Merkataritza elektronikoak gora egiten jarraitzen du 2015ean Euskal AEn, bai zifra ekonomikoetan bai erabiltzen duten enpresen portzentajean

Euskal enpresen % 26,4k erabili zuten merkataritza elektronikoa, iaz baino % 1,6 gehiagok, alegia, eta salmentek ere % 13, 3 egin zuten gora

Eustaten datuen arabera, gora egiten jarraitzen du merkataritza elektronikoak Euskal AEn, bai zifra ekonomikoetan, eurotan, bai erabiltzen duten enpresen ehunekoan. Hala, enpresen % 26,4k erabili zuten 2015ean merkataritza elektronikoa, iaz baino % 1,6 gehiagok.

Sarearen edo bestelako sistema elektronikoen bidez, esate baterako, posta elektroniko bidez edo datu elektronikoen elkartrukearen bidez (EDI eta bestelako sareak), sortutako negozio-bolumena 13.732,6 milioi eurokoa izan zen egindako salmenta elektronikoei dagokienez, eta 10.518,0 milioi eurokoa egindako erosketei dagokienez.

Iazko zifrekin alderatuta, merkataritza elektronikoaren bidezko salmentak % 13,3 igo ziren Euskal AEko enpresetan, eta % 12,8 sistema hori bera erabiliz egindako erosketak.

graf0013594_01_e.png

Lurraldeak aztertuz, ehunekoak oso antzekoak badira ere, Bizkaia nabarmentzen da, lurralde horretan egin baitute gora gehien erosketa elektronikoek 2015ean, % 13,7, alegia, eta salmentek, berriz, % 12,7. Bestalde, Araban egin dute gora gehien salmentek, % 14,9, hain zuzen, eta erosketetan izandako igoera % 11,9koa izan da. Gipuzkoari dagokionez, erosketa elektronikoetan % 11,7ko igoera izan da eta salmentetan % 12,3ko hobekuntza.

Lurralde bakoitzaren pisua aztertuta, ikusten da hiru lurraldeen artean antzera banatzen direla salmenta elektronikoak, nahiz eta Bizkaiak duen ehunekorik handiena (Autonomia Erkidego osoko % 36,2), eta Gipuzkoak eta Arabak parte-hartze bera dute aurten, % 31,9koa, alegia. Erosketetan, aldiz, Bizkaiak kopuru osoaren % 51,6 bereganatzen du 2015ean, Gipuzkoak % 31,6 eta Araba, berriz, Euskal AEn egindako erosketen % 16,8rekin geratzen da.

Establezimenduen tamainari erreparatuta, 10 langile edo gehiago dituztenak dira merkataritza elektronikoan diru gehien mugitzen dutenak: salmenta guztien % 81,6 eta erosketa guztien % 68,2.

Merkataritza elektronikoan parte hartzen duten Euskal AEko enpresen ehunekoari dagokionez, 2015ean % 1,6 egin dute gora, eta gaur egun % 26,4 dira. Ikusten da, gainera, zifra ekonomikoen arabera salmenta elektronikoak erosketen gainetik badaude ere, baliabide elektronikoen bidez erosketak egiten dituen enpresa-kopurua, % 23,9, baliabide hori bera erabiliz saltzen duena baino askoz ere handiagoa dela, % 6,5, alegia.

graf0013594_02_e.png

Kalkuluen arabera, 43.700 dira Euskal Autonomia Erkidegoan merkataritza elektronikoa erabiltzen duten establezimenduak. Prozedura horren bidez egindako erosketak erosketa guztien % 31,3 dira eta salmentak, berriz, salmenta guztien % 36,8.

Zifrak aldatu egiten dira enpresen tamaina kontuan hartzen bada. Eta, esate baterako, 10 langile edo gehiago dituzten enpresen % 30,0ek erabiltzen dute merkataritza elektronikoa, iaz baino % 1,2 gehiagok. Segmentu horretan ere askoz ere gehiago dira erosketa elektronikoak egiten dituztenak, % 25,3, eta pisu gutxiago dute salmentak bide hori erabiliz egiten dutenek (% 11,4). Biek egin dute gora aurten, % 0,3 eta % 0,6, hurrenez hurren.

graf0013594_03_e.png

Erosketa elektronikoak egiteko erabilitako baliabideari dagokionez, % 45,4 posta elektroniko bidez (e-mail) egin dira, % 30,4 EDI eta bestelako sareen bidez, eta gainerako % 24,2 web-orrien bidez. Salmenta elektronikoen kasuan, berriz, % 47,6 EDI eta bestelako sareen bidez egin dira, % 28,0 posta elektroniko bidez eta % 24,4 web-orrien bidez.

Merkataritza elektroniko bidez 2015ean egindako salmenten bezero-motari dagokionez, salmenta elektronikoen % 78,5, hau da, gehienak, beste enpresa batzuetara bideratu dira (B2B izeneko merkataritza), % 20,8 kontsumitzaile partikularretara (B2C) eta gainerako % 0,7 beste batzuetara, esate baterako, administrazio publikoetara (B2G).

graf0013594_04_e.png

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Informazioaren gizartearen inkesta. Enpresak; prentsa ohar gehiago Informazioaren gizartearen inkesta. Enpresak; datu-bankua

Euskera
Produktuaren datuak
Produktuaren datuak

Merkataritza elektronikoak gora egiten jarraitzen du 2015ean Euskal AEn, bai zifra ekonomikoetan bai erabiltzen duten enpresen portzentajean

Eragiketa : 
Informazioaren gizartearen inkesta. Enpresak
Eragiketa kodea : 
223002
Periodikotasuna : 
Urtekoa
Denbora arloa : 
EMPRESAS Año 2016
Eguneratze data : 
2016/08/02
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0013594_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali