Prentsa-oharra, 2016/12/28

KANPO MERKATARITZAKO BALIO UNITARIOAREN INDIZEAK-BUI 2016/III

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Esportazioen prezioak % 0,4 igo ziren 2016ko hirugarren hiruhilekoan

Inportazioen kasuan, prezioak % 2,2 hazi ziren

Esportazioen prezioak % 0,4ko hazkundea izan dute 2016ko hirugarren hiruhilekoan aurreko hiruhilekoaren aldean, Eustatek prestatutako datuen arabera. Inportazioek ere hazkundea izan dute beren prezioetan, neurri handiagokoa, % 2,2koa hain zuzen.

Energia-produktuak energiakoak ez direnetatik bereizita, portaera desberdina baitute, energia-esportazioen prezioak 2016ko bigarren hiruhilekoaren aldean % 6,7 erori zirela antzematen da; energiakoak ez direnen prezioak, berriz, % 0,7 igo ziren. Inportazioen kasuan, hiruhileko honetan, bi produktu motek antzeko portaera izan dute aurreko hiruhilekoaren aldean: energia-produktuen inportazio-prezioen indizea % 2,1 igo zen, energiakoak ez direnenak bezala (%2,1).

Ondasunen helburu ekonomikoaren araberako sailkapenari begira, kontsumo-ondasunen prezioak % 0,9 hazi ziren, bitarteko ondasunenak % 0,5, eta kapital-ondasunek % 0,6ko gutxikuntza izan zuten, dena aurreko hiruhilekoarekin alderatuta. Inportazioak kontuan izanik, talde guztiek gehikuntzak izan dituzte prezioetan: kapital-ondasunen prezioak hiruhilekoarteko % 2,0 hazi ziren, bitarteko ondasunenak % 1,9 eta kontsumo-ondasunen prezioak % 3,1.

graf0013779_01_e.png

Esportazioak zer eremu geografikoetara zuzentzen diren kontuan izanik, prezioak 2016ko bigarren hiruhilekoarekin alderatuta jaitsi egin ziren munduaren gainerakoan (% -1,4) eta igo egin ziren EB-28n (% 2,3), Eurogunean (% 2,7) eta ELGAn (% 0,8).

Urtetik urtera, iazko hiruhileko berari dagokionez, oraindik hazkunde-tasa negatiboak daude esportazioen zein inportazioen prezioetan. Esportazioenak % 1,8 jaitsi dira eta inportazioenak % 3,9ko beherakada dute. Modu nabarmenagoan, energia-esportazioen prezioak % 18,8 jaitsi ziren; energiakoak ez direnenak, berriz, % 1,0 jaitsi ziren. Inportazioei dagokienez, energia-esportazioen prezioak % 16,7 jaitsi ziren; energiakoak ez direnenak, berriz, ia ez ziren aldatu, % 0,1eko gehikuntza izan zuten iazko hiruhilekoarekin alderatuta.

graf0013779_02_e.png

Helburu ekonomikoari begira, urtetik urtera, kontsumo-ondasunen esportazioen prezioek soilik izan zuten % 0,6ko hazkunde-tasa positiboa; kapitalekoak % 2,9 jaitsi dira, eta bitarteko ondasunak % 2,3. Inportazioak kontuan izanik, portaera ere desberdina izan da: kapital-ondasunen prezioak % 2,8 igo ziren urtetik urtera; bitarteko ondasunenak % 5,6 jaitsi ziren, eta kontsumo-ondasunen prezioak % 7,0 igo ziren urtetik urterako konparazioan.

Eremu geografikoen arabera, prezioak analizatutako arlo guztietan jaitsi direla ikusten da urtetik urtera: Munduaren gainerakoa (% -3,1), ELGA (% -1,6) eta UE-28 (% -0,3), Eurogunea salbuespen delarik, % 0,6 igo baitira. Bestetik, inportazioen prezioen urtetik urterako gutxikuntzak erregistratu ziren eremu geografiko guztietan, nabarmen direlarik munduaren gainerakoa (% -7,4) eta ELGA (% -2,2).

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: prentsazerbitzua@eustat.eus Tel.: 945 01 75 62 Euskal AEko kanpo-merkataritzaren unitate balioaren indizeak-UBI. Prentsa-ohar gehiago Euskal AEko kanpo-merkataritzaren unitate balioaren indizeak-UBI. Datu - bankua  

Euskera
Produktuaren datuak
Produktuaren datuak

Esportazioen prezioak % 0,4 igo ziren 2016ko hirugarren hiruhilekoan

Eragiketa : 
Kanpo-merkataritzaren unitate balioaren indizeak
Eragiketa kodea : 
182532
Periodikotasuna : 
Hiru hilekoa
Denbora arloa : 
III/2016
Eguneratze data : 
2016/12/28
Hurrengo eguneratzea : 
2019/09/27
Eragiketa mota : 
Beste batzuk
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0013779_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali