2018/03/20ko prentsa-oharra

BIZTANLERIAREN ETA ETXEBIZITZEN ESTATISTIKA (2016)

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko biztanleen bostetik hiruk euskaraz zerbait bazekien 2016an

2011-2016 artean euskaldunen kopuruan 106.503 lagun gehiago

Euskal AEko 2 urteko edo gehiagoko biztanleen %60,7k, 1.287.839 pertsonak, zerbait bazekien euskaraz 2016an, Eustaten datuen arabera. 895.942 euskaldunak, euskaraz ongi ulertu eta mintzatzen direnak, eta 391.897 ia-euskaldunak, ulermen ona edo halamoduzkoa dutenak eta zailtasunez hitz egiten dutenak.

Aztertutako azken bosturtekoan, euskaldunak 2011ko %37,2tik 2016ko %42,2ra gehitu dira; ia-euskaldunak 2011tik ehuneko 7,1 puntuz gutxitu. Euskaldunak ehuneko 11,3 puntuz gehitu dira 1996tik 2016ra

1. grafikoa. 2 urteko eta gehiagoko biztanleak, lurraldeka, euskara-maila orokorraren arabera
Iturria: Eustat. Biztanleriaren eta etxebizitzen estatistika. 2016

2016an, Gipuzkoan %57,4 dira euskaldun, ehuneko 4,1 puntu gehiago 2011koaren datuaren aldean. Bizkaian %36,6 (+5,4); Araban %28,5 (+4,6). Ia-euskaldunak aintzat, euskaraz zer edo zer dakite lautik hiruk Gipuzkoan, bostetik hiruk Bizkaian eta bitik batek Araban.

Hona hemen euskaldunik gehien duten eskualdeak: Bilbo Handia (252.607); Donostialdea (156.382); Arabako Lautada (69.976); Urola-Kosta (57.207); Durangaldea (50.089); eskualdeotako lau, biztanle gehien dutenak. Aipatu eskualdeetan, 85.000 euskaldun gehiago 2011tik 2016ra.

Euskal AEko eskualde ia guztietan ezagutza handitu da 2011tik Gehikuntzarik handienak: Araban, Kantauri Arabarra (ehuneko +5,2), Lautada (4,8), Gorbeiako Inguruak (4,5). Bizkaian Bilbo Handia (6,1), Enkarterriak (5,9), Plentzia-Mungia (3,6). Gipuzkoan Donostialdea (5,1); Bidasoa Beherea (4,7); Goierri (3,3). Markina-Ondarroan, 0,2 puntu jaitsi.

Hiriburuetan euskaldunen portzentaje handiagoak

Bilbon ehuneko 6 puntu gehiago 2011tik; 2016an 97.287 euskaldun, biztanleen %29. Donostian, %46 2016an, 81.274 lagun, 2011n baino 5,4 puntu gehiago. Gasteizen euskaldunak %27,3 (64.347, +4,8 puntu).

Euskal AEn 251 udalerri daude. 201ean euskaldun gehiago, 0,1-12,2 puntu bitarte. 46tan jaitsi 2011tik, 0,1-5 bitarte. 4tan, lehengoan azken bosturtekoan.

66 udalerritan euskaldunak %80ren gainetik

Gipuzkoan 40 udalerritan euskaldunak %80ren gainetik. Azpimarratzekoak: Orexa (%94,6), Abaltzisketa (%94,5), Errezil (%94,1), Zerain (%93). 88 udalerrietako 69tan, euskaldun gehiago. Donostian, Zumarragan, Lasarte-Orian, Belauntzan eta Errenterian 5 puntu pasako gehikuntza.

Araban Aramaio (%81,6) bakarrik dago %80ren gainetik. 44 udalerritan, euskaldun gehiago; 7tan gutxiago. 6,1-12,2 puntu bitarteko gehikuntzak udalerriotan: Armiñon, Aiara, Erriberagoitia/, Zuia, Kanpezu, Artziniega, Alegria-Dulantzi

Bizkaiko 25 udalerritan dira euskaldunak %80 baino gehiago. Azpimarratzekoak: Ajangiz (%91,6), Amorroto (%90,9), Arratzu (%90). Bizkaiko 90 udalerritan euskaldun gehiago, 22tan gutxiago. Etxebarri, Arakaldo, Lanestosa, Sopuerta, Bakio, Trapagaran eta Barakaldon, 7-9 puntu arteko gehikuntzak.

Adinaren araberako alde handiak euskararen ezagutzan

10-14 urte bitartekoen %87,3 euskaldunak dira; %22,2 70-74 urtekoen artean. Oro har, adinean goraka goazela, ezagutza beheraka. 30 urtetik beherakoen artean euskaldunak %50en gainetik daude; adinean gora, proportzioa behera.

Emakumeen %42,3 euskaldunak dira; gizonen %42,1. Ia berdinak. Araban emakume euskaldunak %29,5, gizonak baino 1,9 puntu gehiago. Bizkaian emakumeak (%36,7) hamarren bat gehiago; Gipuzkoan alderik ez sexuen artean, %57,4.

Informazio gehiago.

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa zerbitzua: servicioprensa@eustat.es Tlf: 945 01 75 62

Euskera
Produktuaren datuak
Produktuaren datuak

Euskal AEko biztanleen bostetik hiruk euskaraz zerbait bazekien 2016an

Eragiketa : 
Biztanleriaren eta etxebizitzen estatistika
Eragiketa kodea : 
010123
Periodikotasuna : 
Bost urtekoa
Denbora arloa : 
Eguneratze data : 
2018/03/20
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0014683_e.html
Erakunde arduraduna : 

Beste produktu estatistikoak

Datuak

Grafiko interaktiboak

Mikrodatuak

Metadatuak

Kode eta izendegiak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali