HomeGaiakEzkontzakPrentsa Oharrak 2018ko bigarren hiruhilekoan...

2018/11/19ko prentsa-oharra

EZKONTZEN ESTATISTIKA. II/2018

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

2018ko bigarren hiruhilekoan %4,1 gutxitu da ezkontza-kopurua Euskal AEn aurreko urtearekiko

Atzerriko naziotasuna duten ezkontide-kopurua, goraka

2018ko bigarren hiruhilekoan Euskal AEn 2.306 ezkontza izan ziren, iazko aldi berean baino %4,1 gutxiago, Eustaten arabera. 52 ezkontza homosexual izan ziren; 25 gizon artean, 27 emakume artean. Gainerako 2.254 ezkontzak heterosexualak izan ziren.

Ohi denez, bigarren hiruhilekoan nasaiki hazi zen ezkontza-kopurua, bereziki ekainean; aldiz, neguko hilabeteetan ezkontza gutxi izaten da.

2018ko udaberriko hilabeteetan ezkontzen %83,7 zibilak izan ziren, 2017ko hiruhileko berean baino 0,6 puntu gehiago, baina 2018ko lehen hiruhilekoaren (%93,1) azpitik. Aipatu portzentajea ezkontza heterosexualena da bakarrik; ezkontza homosexual guztiak zibilak direnez, 2,3 puntu gehitu beharko genituzke.

2018ko bigarren hiruhilekoko 2.306 ezkontzetan, bizilekua Euskal AEn duten 2.192 gizon eta 2.194 emakume ezkondu ziren. 1.891 senarrentzat (%86,3) horixe zen lehen ezkontza; 24 alargun eta 277 dibortziatu beste behin ezkondu ziren. Emakumeen lehen ezkontzen ehunekoa gizonenaren antzekoa izan zen: ezkongabeak, 1.884 (%85,9); alargunak, 14; dibortziatuak, 296.

Ezkontideen %87,2k, 30 urte baino gehiago

Ezkontideen adinari doakionez, senarren %90,8k 30 urtetik gora zituzten eta emazteen %83,6k. 2017ko aldi berean proportzioa handiagoa izan zen gizonen kasuan, %91,8, eta apur bat txikiagoa emakumeenean, %83,1.

Lurraldea kontuan hartuz, Araban 319 ezkontza izan ziren, %0,6ko jaitsierarekin aurreko urtearen aldean; Gipuzkoan, 734 ezkontza, %6,3ko jaitsiera; Bizkaian, 1.144 ezkontza, %4,0ko jaitsiera. Beste alde batetik, 109 bikotek bizilekua Euskal AEtik kanpoan kokatu zuten.

2018ko apiril, maiatz eta ekaineko gizon ezkonberrien %7,4 eta emakume ezkonberrien %10,7 atzerritarrak ziren. Aurreko urteko hiruhileko beraren aldean 5 hamarren gehiago da hori gizonen artean eta 2 gehiago emakumeen artean.

graf0015769_01_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.es Tlf: 945 01 75 62

Euskera
Produktuaren datuak
Produktuaren datuak

2018ko bigarren hiruhilekoan %4,1 gutxitu da ezkontza-kopurua Euskal AEn aurreko urtearekiko

Eragiketa : 
Ezkontzen estatistika
Eragiketa kodea : 
010304
Periodikotasuna : 
Hiru hilekoa
Denbora arloa : 
II/2018
Eguneratze data : 
2018/11/19
Hurrengo eguneratzea : 
2019/11/11
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0015769_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali