2018/12/04ko prentsa-oharra

INDUSTRI PRODUKZIOAREN INDIZEA, 2018KO URRIA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko industri jarduera %1,9 gehitu zen 2018ko urrian

Industri Produkzioaren Indizeak %2,1eko gehikuntza metatua du 2018ko lehen hamar hiletan, ekipo-ondasunen lidergopean, %4,4ko tasa batekin

Eustaten datuen arabera, 2018ko urrian %1,9 gehitu zen Euskal AEko industri produkzioa lan-egutegiko baldintza homogeneoetan 2017ko hil beraren aldean. 2018. urteko lehen hamar hiletan %2,1eko hazkundea dago, 2017ko aldi beraren aldean.

Aurreko hilarekin alderatuta, 2018ko iraila, Euskal AEko industri produkzioan ez da aldaketarik izan (%0,0), behin urtaroen eragina zuzenduta.

2018ko urriko indizearen bilakaerak, 2017ko urrikoaren aldean, emaitza ezberdinak dakartza sektore industrial handietan. Ekipo-ondasunak %2,5 gehitu dira eta Bitarteko ondasunak %0,4, baina Energia %0,3 jaitsi da. Kontsumo-ondasunak, oro har, %7,6 gehitu dira. Haietan, Iraunkorrak %12,4 igo dira eta Ez-iraunkorrak %5,7.

2018ko urriko hil arteko aldakuntza ere, 2018ko irailaren aldean, oso bestelakoa izan da industri talde handietan. Tarteko ondasunak %1,2 igo dira eta Energia %1,1 gehitu da, baina Ekipoko ondasunak %2,5 jaitsi dira. Kontsumo-ondasunak, guztira, %3,0 gehitu dira; Iraunkorrak %5,2 igo dira, eta Ez-iraunkorrak %2,1.

Euskal AEko industriako pisurik handieneko sektoreen artean, hazkunderik handienak izan dituztenak urte artean hauek izan dira: Material eta tresneria elektrikoa, %13,9; Elikaduraren, edarien eta tabakoaren industriak, %6,4; eta Zurgintza, papera eta arte grafikoak, %0,5.

Kontrako zentzuan, jaitsi egin dira Energia elektrikoa, gasa eta lurruna, %3,5eko jaistearekin, Garraio-materiala, %0,3koarekin, eta Metalurgia eta metalezko produktuak, %0,2ko jaistearekin.

graf0015896_01_e.png

Lurraldeka, urriko Industri Produkzioaren Indizearen urte arteko bilakaera positiboa izan da Gipuzkoan, %3,9ko igoerarekin, eta Bizkaian, %1,1ekoarekin, baina Araban jaitsi da %0,1.

graf0015896_02_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko industri jarduera %1,9 gehitu zen 2018ko urrian

Eragiketa : 
Industria-produkzioaren indizea
Eragiketa kodea : 
112312
Periodikotasuna : 
Hilekoa
Denbora arloa : 
Eguneratze data : 
2018/12/04
Hurrengo eguneratzea : 
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0015896_e.html
Erakunde arduraduna : 

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali