2018/12/14ko prentsa-oharra

I+G ESTATISTIKA BIOTEKNOLOGIAN 2017

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko I+G gastuak bioteknologian mailarik gorena lortu zuen 2017an, %10,1 hazita

Bioteknologiako I+G gastua I+G osoaren %6,8 izan zen; Administrazio Publikoak %56,5 finantzatu zuen

Eustaten datuen arabera, 2017an Euskal AEko I+G barne-gastua bioteknologiarekin erlazionatutako jardueretan 93,2 milioi eurokoa izan zen, 2016an baino %10,1 gehiago. Gastu hori izan zen I+G barne-gastu osoaren %6,8. Langile enplegatuak 2.116 izan ziren. DOBn (Dedikazio Osoko Baliokidetzan) 1.346 pertsona izan ziren, I+Gra bideraturiko DOB langileen %7,2. Datu horiek, hala bioteknologiako gastuan nola DOBn aritzen den langile-kopuruan, serie historikoaren altuenak dira.

I+G gastua bioteknologian %10,1 handitu zen aurreko urtearen aldean eta DOB langileak %9,0. Ikertzaileak, bestalde, 1.031 pertsona izan ziren (DOB), %6,9ko hazkundearekin.

Aurreko urteetan bezalaxe, emakume ugari daude I+G adar horretan, bioteknologian lanaldi osoan aritu zirenen %59,5 2017an.

Bioteknologia-ikerkuntzan 103 erakunde aritu ziren 2017an; Enpresak sektorekoak ziren haietako 89. Orobat, 103 horietatik, 67k bioteknologiari eman zioten I+G barne-gastuaren erdia baino gehiago.

Barne-gastuaren %63, enpresek egina

Aurreko urteetan bezala, Enpresetan da I+G barne-gastu osoaren portzentajerik handiena (%63,0) bioteknologian, 2016an baino ehuneko 1,4 puntu gehiago (%61,6).

Bestalde, Goi-mailako Irakaskuntzak (%30,6) eta Administrazio Publikoak (%6,4) egikaritu dute 2017ko gainerako gastua (%37,0); portzentaje hori %38,4 izan zen 2016an.

graf0015958_01_e.png

Administrazio Publikoak bioteknologia I+Gren %56,5 finantzatu zuen

Funtsen jatorriari so, bioteknologiarekin lotutako barne I+G jarduerak, 2017an, Administrazio Publikoak (%56,5) eta Enpresek (%28,6) finantzatu zituzten oroz gain. Gainerakoa, Atzerriko funtsek (%9,3), Goi-mailako Irakaskuntzak (%4,9) eta Irabazi asmorik gabeko erakunde pribatuek (%0,7).

Bioteknologia-ikerkuntzatik lortutako produktuak, batez ere, Giza Osasunean (%74,0) eta Elikaduran (%8,9) aplikatzen dira. Gainerako arloetan banatzen da beste %17,1a, antzeko portzentajeekin: Ingurumena, Industria, Animalien osasuna eta akuikultura eta Nekazaritza eta baso-produkzioa.

Bioteknologiako I+G jardueretarako oztopo nagusiak, denbora/kostua erlazioa eta kapitalerako irisbidea

Azkenik, 2017an berriz hauek dira oztopo nagusiak bioteknologia-ikerkuntzan garapen-jardueretan aurrera egiteko: denbora/kostua erlazioa (%91,3) eta I+G egiteko kapitala lortzea (%87,4). Arautze-betekizunak hirugarren tokian dira, %79,6rekin.

graf0015958_02_e.png

Informazio gehiagorako: Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.es Tlf: 945 01 75 62

Euskera
Produktuaren datuak
Produktuaren datuak

Euskal AEko I+G gastuak bioteknologian mailarik gorena lortu zuen 2017an, %10,1 hazita

Eragiketa : 
Bioteknologiako I+Gren estatistika
Eragiketa kodea : 
223205
Periodikotasuna : 
Urtekoa
Denbora arloa : 
2017
Eguneratze data : 
2018/12/14
Hurrengo eguneratzea : 
Eragiketa mota : 
Zentsua
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0015958_e.html
Erakunde arduraduna : 

Beste produktu estatistikoak

Datuak

Grafiko interaktiboak

Datu Bankua

Mikrodatuak

Metadatuak

Informazio gehigarri

Egutegia

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali