2019/02/25eko prentsa-oharra

ESTABLEZIMENDU TURISTIKO HARTZAILEEN INKESTA. APARTAMENTUAK 2019KO URTARRILA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko apartamentu turistikoetako gaualdiak %34,5 gehitu ziren 2019ko urtarrilean

Hotelak, landa-ostatuak eta apartamentu turistikoak batera harturik, %6,4ko gehikuntza izan da gaualdietan urtarrilean

Eustaten datuen arabera, Euskal AEko apartamentu turistikoetako gaualdiak 2019ko urtarrilean 18.305 izan ziren, 2018ko urtarrilaren aldean %34,5eko gehikuntza.

Gaualdiek urte arteko bilakaera positiboa izan dute Gipuzkoan eta Bizkaian, %119,7ko eta %47,2ko gehikuntzekin, hurrenez hurren, baina Araban %2,2ko jaitsiera gertatu da.

Bestalde, 2019ko urtarrilean 3.228 bidaiari-sarrera erregistratu dira Euskal AEko apartamentu turistikoetan, %15,8ko gehikuntza. Bidaiari-sarrerak %27,6 gehitu dira Bizkaian eta %17,4 Gipuzkoan, baina Araban %14,5 gutxitu dira.

graf0016259_01_e.png

Batez besteko egonaldia, aurtengo urtarrilean, 5,67 egunekoa izan da, 2018koan 4,88koa izan zelarik. Araban lehengo urteko urtarrileko 11,93 egunetik aurtengo urtarrileko 13,66ra luzatu da; Bizkaian 3,11tik 3,59ra luzatu da; Gipuzkoan, 2,86tik 5,35era.

2019ko urtarrileko turista-balantzea

Hotelak, landa-ostatuak eta apartamentu turistikoak batera, 168.704 sarrera erregistratu dira 2019ko urtarrilean, %2,4ko gehikuntza dena aurreko urteko hil beraren aldean. Bizkaian Euskal AEko sarrera guztien %47,6 kontzentratzen dira, eta sarreren batura %2,2 gehitu da. Gipuzkoan erkidegoko sarreren %38,7 daude, %4,5eko gehikuntzarekin; Araban, sarrera guztien %13,7, %2,6ko jaitsierarekin.

Gaualdiek %6,4 egin dute gora establezimendu turistiko hartzaileen guztizkoan, eta gorakada hori hiru lurraldeetan gertatu da. Gipuzkoan %9,8 igo dira gaualdiak, Bizkaian %5,6 eta Araban %1,0.

graf0016259_02_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Productuaren datuak
Productuaren datuak

Euskal AEko apartamentu turistikoetako gaualdiak %34,5 gehitu ziren 2019ko urtarrilean

Eragiketa : 
Establezimendu turistiko hartzaileen inkesta
Eragiketa kodea : 
132680
Periodikotasuna : 
Hilekoa
Denbora arloa : 
APARTAMENTOS ENERO 2019
Eguneratze data : 
2019/02/25
Hurrengo eguneratzea : 
2019/04/25
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016259_e.html
Erakunde arduraduna : 

Beste produktu estatistikoak

Datuak

Grafiko interaktiboak

Txostenak

Mikrodatuak

Metadatuak

Kode eta izendegiak

Informazio gehigarri

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali