2019/04/24ko prentsa-oharra

INDUSTRI PREZIOEN INDIZEA. 2019KO MARTXOA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

2019ko martxoan Euskal AEko industria-prezioek %0,5 egin zuten gora aurreko hilaren aldean

Aurreko urtearen aldean (2019ko martxoa 2018koaren aldean) %2,2 gehitu ziren

Eustaten datuen arabera, Euskal AEko industria-prezioak %0,5 gehitu dira 2019ko martxoan aurreko hilaren aldean. Datu horiek kontuan, martxoko urte arteko tasa (azken hamabi hilabeteetan industri prezioek izandako aldakuntza) %2,2 gehitu da.

Analisi zehatzagoa eginda, hauek dira 2019ko martxoan prezio-hazkunderik handienak izan dituzten sektoreak aurreko hilaren aldean: Kokeriak eta petrolioa fintzea, %3,0rekin; Energia elektrikoa, gasa eta lurruna, %2,0rekin; eta Farmazia-produktuak eta Produktu informatikoak eta elektronikoak, %1,0rekin kasu bietan. Jaitsierarik handienak, aldiz: Ehungintza, jantzigintza, larrugintza eta zapatagintza, %1,2rekin; Zurgintza, papera eta arte grafikoak, %1,0rekin; eta Metalurgia eta produktu metalikoak, %0,4rekin.

Ondasunen helburu ekonomikoaren arabera, aurreko hilaren aldean, Bitarteko ondasunen prezioak %0,4 jaitsi dira, Energiarenak %2,7 igo dira eta Ekipoko ondasunenak %0,1 hazi dira. Kontsumo-ondasunen prezioetan %0,3ko hazkundea izan da oro har, zeren Ez-iraunkorrenetan %0,3ko igoera gertatu baita eta Iraunkorrenetan %0,1eko jaitsiera.

2019ko martxoan, 2018koaren aldean, prezio-hazkunderik handienak: Kokeriak eta petrolioa fintzea, %12,8ko gehikuntzarekin; Energia elektrikoa, gasa eta lurruna, %5,3ko hazkundearekin; eta Erauzketa-industriak, %4,1eko igoerarekin. Jaitsierak eduki dituzte, aldiz, hauek: Elikaduraren, edarien eta tabakoaren industriek, %1,5eko jaitsierarekin; eta Metalurgiak eta produktu metalikoek, %0,9ko jaitsierarekin.

Ondasun-talde handien prezioetan izaniko aldakuntza urte artean positiboa izan da horientzat guztientzat, salbu eta Kontsumo-ondasunentzat, zeinak %0,9 jaitsi baitira oro har, Ez-iraunkorretan gertaturiko %1,3ko jaitsieragatik; aldiz, Iraunkorretan %1,7ko gehikuntza izan da. Energiaren prezioak %10,3 gehitu dira, Ekipoko ondasunenak %1,3 eta Bitarteko ondasunenak %0,1.

graf0016429_01_e.png

Ohar metodologikoa: 2019ko martxoan zehar aldatu da Industri Prezioen Indizeak (IPRI) zerabilen oinarri-urtea. Oinarri berrian, IPRIren erreferentzia 2015. urtea da. Oinarriaren aldaketak ekarri du eguneratu dela Euskal AEko industria-sektoreko enpresa informatzaileen ordezkatze-panela, hala nola haztapen-egitura desagregazio-maila guztietarako.

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

2019ko martxoan Euskal AEko industria-prezioek %0,5 egin zuten gora aurreko hilaren aldean

Eragiketa : 
Industria- prezioen indizea
Eragiketa kodea : 
182313
Periodikotasuna : 
Hilekoa
Denbora arloa : 
MARZO 2019
Eguneratze data : 
2019/04/24
Hurrengo eguneratzea : 
2019/11/22
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016429_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali