2019/06/24ko prentsa-oharra

INDUSTRI PREZIOEN INDIZEA, 2019KO MAIATZA

Facebooken zabal ezazu Twitterren zabal ezazu Helbide elektronikoan zabal ezazu pdf Produktuen zerrenda

Euskal AEko industri prezioak ez ziren aldatu (%0,0) 2019ko maiatzean

Aurreko urtearen aldean (2019ko maiatza 2018koaren aldean) %1,7 gehitu ziren

Eustaten datuen arabera, Euskal AEko industri prezioak lehengoan (%0,0) izan dira 2019ko maiatzean aurreko hilaren aldean. Datu horiek kontuan hartuta, maiatzeko urte arteko tasa (azken hamabi hilabeteetan industriako prezioek izandako aldakuntza) %1,7 da.

Analisi zehatzagoa eginda, hauek dira 2019ko maiatzean prezio-hazkunderik handienak izan dituzten adarrak aurreko hilaren aldean: Garraiorako materialen fabrikazioa, %0,9ko hazkundearekin, eta Kokeak eta petrolioa fintzea eta Ura, %0,7ko hazkundearekin kasu bietan. Jaitsierarik handienak, aldiz, hauek: Ehungintza, larrugintza eta zapatagintza, %3,5eko jaitsierarekin; Ateratze-industriak, %2,3ko jaitsierarekin prezioetan; eta Produktu informatiko eta elektronikoak, %1,0ko murrizketarekin.

Ondasunen helburu ekonomikoaren arabera, aurreko hilaren aldean, Energiak eta Ekipo-ondasunek %0,4 egin dute gora prezioetan kasu bietan eta Bitarteko ondasunek %0,3 behera. Kontsumo-ondasunen prezioek, oro har, %0,4 egin dute gora, zeren Iraunkorrenetan %0,2ko hazkundea gertatu baita eta Ez-iraunkorrenetan %0,5ekoa.

2019ko maiatzean, 2018koaren aldean, prezio-hazkunderik handienak: Energia elektrikoa, gasa, lurruna eta aire girotua, %6,1eko igoerarekin; Kokeak eta petrolioa fintzea, %4,3ko igoerarekin; eta Industria kimikoa, %3,1eko hazkundearekin. Alderantziz, prezio-jaitsierak izan dira Ehungintza, larrugintza eta zapatagintzan, %4,1, Elikaduraren, edarien eta tabakoaren industrian, %1,2, eta Metalurgia eta produktu metalikoak izenekoan, %0,7.

Ondasun-talde handien prezioetan izaniko aldakuntza urte artean positiboa izan da horientzat guztientzat, salbu eta Kontsumo-ondasunentzat, zeinak %0,9 jaitsi baitira, Ez-iraunkorretan gertaturiko %1,3ko jaitsieragatik; aldiz, Iraunkorretan %1,9ko gehikuntza izan da. Energiaren prezioak %6,0 gehitu dira, Ekipo-ondasunenak %2,0 eta Bitarteko ondasunenak %0,4.

graf0016525_01_e.png

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62

Euskera
Produktuaren datuak
Produktuaren datuak

Euskal AEko industri prezioak ez ziren aldatu (%0,0) 2019ko maiatzean

Eragiketa : 
Industria- prezioen indizea
Eragiketa kodea : 
182313
Periodikotasuna : 
Hilekoa
Denbora arloa : 
Eguneratze data : 
2019/06/24
Hurrengo eguneratzea : 
2019/11/22
Eragiketa mota : 
Laginketa bidezko inkesta
Formatu erabilgarriak : 
Pdf formatuan
Lizentzia : 
Creative Commons
Permalink : 
http://eu.eustat.eus/elementos/not0016525_e.html
Erakunde arduraduna : 

Beste produktu estatistikoak

Zure feedback-a.  Lagun iezaguzu gure weba zure beharretara egokitzen

Nola baloratzen duzu orri honen Informazioa?
Oso baliagarria
Baliagarria
Ez oso baliagarria
Ez da inondik ere baliagarria
Baduzu iradokizunik?
Bai, badut
Bidali