Senatua: probintzia bakoitzari lau senadore dagozkio.

Diputatuen Kongresua: probintzia bakoitzari aulki-kopuru jakin bat dagokio, probintzia horrek duen zuzenbidezko biztanleriaren eta mugape bakoitzerako ezarrita dagoen gutxienezko kopuruaren arabera, bai eta estatuko legeak Diputatuen Kongresurako ezartzen duen tamainaren arabera ere.

Udal-hauteskundeak: zinegotzien kopurua mugape bakoitzean bizi den zuzenbidezko biztanleriaren arabera finkatzen da.

Batzar Nagusiak: lurralde historiko bakoitzean guztira 51 batzarkide hautatzen dira (prokuradoreak Araban; ahaldunak Bizkaian; eta prokuradore batzarkideak Gipuzkoan), batzarkide horiek hainbat mugapetan banatzen dira, eta horietako bakoitzak bertako zuzenbidezko biztanleriaren araberako batzarkide-kopurua hautatzen du.

Eusko Legebiltzarra: lurralde historiko bakoitzari 25 aulki dagozkio.

Europako Parlamentua: estatu espainol osoa hartzen duen mugape bakarra dago. Guztira, 64 parlamentario hautatzen dira.