• Genero-indarkeria: gizonak emakumearen aurka egindakoa, bikotekide edo bikotekide ohi gisako harremanetan.
• Familia-indarkeria: gizonak emakumearen aurka egindakoa, familia barruan (gurasoak, seme-alabak, anai-arrebak...)
• Sexu-indarkeria (sexu-askatasunaren eta sexu-ukigabetasunaren aurkako delituak): gizonak emakumearen aurka erabiltzen duena aurreko eremuetatik kanpo (ikasketa-harremanak, lan-harremanak, auzotasun-harremanak, kasualitatezkoak, aurretiko harremanik gabekoak, etab.).

Arau-hauste penal ugarik osatzen dituzte bikotekideak edo bikotekide ohiak eragindako indarkeria eta familia-indarkeria, eta egungo Zigor Kodean honako eran tipifikatuta daude: Giza hilketaren eta haren formen delituak; lesioak (lesioak, familia-eremuko tratu txarrak...); askatasunaren aurkakoak (bahiketa, mehatxuak, hertsapenak, jazarpena...); tortura eta integritatearen aurkakoak (ohiko tratu txarrak, irainak eta laido arinak familia-eremuan); segurtasun- eta zuhurtzia-neurriak urratzea; familia-harremanei, sexu-askatasunaren eta ukigabetasunaren aurkako delituak; ...