Benetako azken kontsumoa (P.4)
Banako nahiz taldeko giza beharrizanak zuzenean betetzeko asmoz erakunde-unitate egoiliarrek eskuratzen dituzten ondasun eta zerbitzuetan egindako azken kontsumoa da.
Herri administrazioetako unitateek hornitzen dituzten ondasun eta zerbitzuen kasuan, banako eta taldeko ondasun eta zerbitzuen arteko muga herri administrazioen eginkizunen sailkapenean (Cofog) ezarritakoaren arabera ezartzen da.
Hitzarmen bidez, herri administrazioek jarraian ematen den epigrafe bakoitzean egiten dituzten azken kontsumoko gastu guztiak kontsumoko banako zerbitzuetan egindako gastutzat hartuko dira, kategoria bakoitzeko administrazio orokor, antolamendu, ikerketa eta abarreko gastuak izan ezik. Hona hemen aipatu epigrafeak:
04 Hezkuntzako gaiak eta zerbitzuak
05 Osasuneko gaiak eta zerbitzuak
06 Gizarte-segurantzako eta gizarte-ekintzetako gaiak eta zerbitzuak
08.01 Kirol eta aisiako gaiak eta zerbitzuak
08.02 Kulturako gaiak eta zerbitzuak
Gainera, ondoren ematen diren azpiepigrafeetako gastua ere banakotzat hartuko da garrantzitsua denean:
07.11 Ostatuaren hornidura (zati batean)
07.31 Etxeko hondakinen bilketa (zati batean)
12.12. Garraiorako sistemen ustiapena (zati batean)
Herri administrazioen taldeko kontsumoko gastua, azken kontsumoan egindako gainerako gastuak dira. Batez ere honako hauek osatzen dute:
Zerbitzu publiko orokorrak
Segurtasuna eta defentsa
Legea eta ordena mantentzea, legeria eta
Ordenamendu juridikoa
Osasun publikoa
Ingurumenaren babesa