Urrian, lehengaien kostuak % 0,1 jaitsi ziren, eta lan-indarraren kostuak, ostera, bere horretan iraun du. Hala ere, urte arteko aldian, lan-indarraren kostua % 4,0 igo da; eta lehengaien kostua, berriz, % 1,2.
Eraikinak eta obra zibila azpisektoreek bilakaera berdina izan dute urrian eta bietan %0,1eko jaitsiera izan da. Aldeak nabariagoak dira urte arteko bilakaera aztertuz gero: 2001eko urriaren aldean, % 0,9ko hazkunde-tasa du eraikinak azpisektoreak, eta % 2,0koa obra zibila azpisektoreak.
Sektoreak gehien kontsumitutako lehengaien artetik, 2002ko urrian, hauek izan dituzte prezio-igoerarik handienak: karea, igeltsua eta eskaiola (%3,1), beira (%2,8) eta metalezko hoditeria (% 1,7) arloek, besteak beste.
Prezioen urte arteko bilakaeran, igoera nabarmenenak kontsumitutako honako produktuen artean ageri dira: zementu artifiziala (% 6,8), petroliotik eratorriak (%5,9), makineria erabilirako osagarriak (% 4,8) eta metalezko hoditeria (% 4,6) arloetan, besteak beste.