2002ko abenduan, Euskal AEko Eraikuntzaren Kostuen Indize Orokorra % 0,2 igo zen, Eustaten datuen arabera. Urte arteko aldakuntzari (2002ko abendua, 2001eko abenduaren aldean) begiratuz gero, % 2,9koa izan da kostuen goratzea; aurreko urteko hazkundearen aldean (%2,3), sei hamarren gehiago.

Abenduan, lehengaien kostuak % 0,3 igo ziren, eta lan-eskuaren kostuak, ostera, bere horretan iraun zuen. Hala ere, urte arteko aldian, lan-eskuaren kostuak % 4,0ko igoera izan du; eta lehengaien kostuek % 2,1ekoa.

Eraikinak eta obra zibila azpisektoreetako lehengaiek antzeko bilakaera izan dute abenduan. Bietan izan dira igoerak, neurri berekoak izan ez badira ere: Eraikinak azpisektoreko lehengaien kostuak % 0,2 igo dira, eta obra zibila azpisektorekoak % 0,6. Hala ere, alde nabarmenagoak ageri dira urte arteko bilakaera aztertuz gero: 2001eko abenduaren gainean, % 1,7ko hazkunde-tasa du eraikinak azpisektoreak, eta % 3,2koa obra zibila azpisektoreak.