2002ko azaroan, %0,8 jaitsi zen Euskal AEko Industri Produkzioaren Indizea, aurreko urteko hil beraren aldean, EUSTATek eskainitako datuen arabera. Jaitsiera hori, ordea, lanegunen balio homogeneotan neurtuta, Produkzioaren Indize Orokorraren %3,0ko igoera da, joan den azaroak 2001ekoak baino lanegun bat gutxiago izan baitu.

Horiek horrela, 2002ko lehenengo hamaika hilabeteetako balantzean, Indize Orokorraren tasa metatua %0,8 murriztu da, aurreko urteko aldi beraren aldean, eta jaiegunen eragina zuzenduta, berriz, murrizte hori % 0,6koa da.

2002ko azaroan, urte arteko aldakuntzarik positiboenak sektore hauei egokitu zaizkie: larruaren eta oinetakoen industria (%16,2), zurgintza (%12,9), ehungintza eta jantzigintza (%6,3), garraio-materiala (%5,3), eta kimika-industria (%4,4) arloei, besteak beste.

Urte arteko tasarik negatiboenak honako hauek izan dituzte: petrolioa fintzea (%-22,3), material elektrikoa (%-7,1), elikagai-industria (%-4,9), eta bestelako manufakturak (%-3,4) arloek, batik bat.

Bitarteko ondasunek %3,6ko tasa positiboa izan dute azaroan, ekipo-ondasunek %1,5eko tasa jaitsiera, eta kontsumo-ondasunak %4,4 jaitsi dira aurreko urteko hil beraren aldean.

2002ko lehenengo hamaika hilabeteetan, bitarteko ondasunak eta kontsumo-ondasunak %0,6 eta %0,5 igo dira, hurrenez hurren, eta ekipo-ondasunak, aldiz, %2,2 jaitsi.

Urteko lehenengo hamaika hilabeteetako balantzean, lanegunen zuzenketarik gabe, aldakuntzak desberdinak izan dira hiru herrialdeetan: Gipuzkoan eta Bizkaian %1,7 eta %0,4 jaitsi da, hurrenez hurren, eta Araban, aldiz, %0,1eko igoera txikia izan da.

Argibide gehiagorako: