2002ko urrian, %3,4 igo zen Euskal AEko Industri Produkzioaren Indizea, aurreko urteko hil beraren aldean, EUSTATek eskainitako datuen arabera. Igoera hori, ordea, lanegunen balio homogeneotan neurtuta, Produkzioaren Indize Orokorra bere horretan (%0,0) mantentzea da, joan den urriak 2001ekoak baino lanegun bat gehiago izan baitu. Horiek horrela, urteko lehenengo hamar hilabeteetako tasa metatua %0,8 murriztu da, aurreko urteko aldi beraren aldean, balio absolututan.

2002ko urrian, urte arteko aldakuntzarik positiboenak sektore hauei egokitu zaizkie: energia elektrikoa, gasa eta ura (%12,7), ez-metalezko industria (%10,0), garraio-materiala (%9,3), eta material elektrikoa (%8,8), eta besteak beste.

Urte arteko tasarik negatiboenak, besteak beste, honako hauek izan dituzte: petrolioa fintzea (%-25,3), ehungintza eta jantzigintza (%-19,8), elikagai-industria (%-1,5), eta kautxua eta plastikoa (%-1,1) arloek, batik bat.

Urteko lehenengo hamar hilabeteetako balantzean, balio absolututan, %1,0 igo da kontsumo-ondasunen indizea, %0,3 bitarteko ondasunena eta %2,1 jaitsi, aldiz, ekipo-ondasunena.

Industri Produkzioaren Indize Orokorrak urrian izandako aldakuntzak, 2001eko urriaren aldean, positiboak izan dira hiru lurraldeetan: Araban (%5,9), Bizkaian (%3,9) eta Gipuzkoan (%1,7).

Urteko lehenengo hamar hilabeteetako balantzean, lanegunen zuzenketarik gabe, aldakuntzak nahiko desberdinak izan dira hiru herrialdeetan: Gipuzkoan %1,4 jaitsi da, Bizkaian %0,8 eta Araban %0,4ko igoera txikia izan da.

Argibide gehiagorako: