2003ko otsailean, Euskal AEko Eraikuntzaren Kostuen Indize Orokorra %0,1 igo zen eta otsailerako urte arteko tasa %2,9ra iritsi zen, Eustaten datuen arabera. Lehengaien kostuaren hazkundeak (%0,2) markatu du otsaileko indize orokorra, beste osagaia, lan-eskuaren kostua ez baita aldatu aldi horretan.

Urte arteko aldakuntza-tasak, 1995-2003

(*)eskainitako gehikuntza otsaileko urte artekoa da.

Iturria: EUSTAT

Urte arteko aldian (2003ko otsaila, 2002ko otsailarekin alderatuta), lan-eskuaren kostuak %4,0ko igoera izan du; lehengaien kostuek, berriz, %2,0koa.

2003ko otsaileko guztizko kostuen hazkundea era desberdinean banatzen da bi azpisektore nagusien artean: obra zibila azpisektoreko kostuak (%0,3) igo egin dira eta Eraikinak azpisektorekoak mantendu (%0,0). Bi azpisektore horien urte arteko bilakaeran ere, gehiago igo dira Obra zibilekoak (%3,9) Eraikinekoak (%2,5) baino.

Sektoreak kontsumitutako lehengaien artetik, 2003ko otsailean, hauek izan dituzte inflazio-tasarik handienak: petroliotik eratorriak (%6,1), pinturak eta bernizak (%0,9) eta produktu asfaltikoak (%0,6). Eta bestalde, hileko batez besteko prezioen jaitsiera honako lehengaiek izan dituzte: leherkariak eta gasak (%-2,9), kristala (%-1,0) eta zementu artifiziala (%-0,1) lehengaiek, besteak beste.

Iturria: EUSTAT