2003ko otsailean, %2,5 igo zen Euskal AEko industri jarduera, aurreko urteko hil beraren aldean, EUSTATek landutako datuen arabera. Urteko lehenengo hilabeteetako hazkunde-tasa metatuak, aurreko urteko aldi beraren aldean, %1,3ko hazkundea izan du lan-egutegiaren balio homogeneotan, baina balio absolutuetan neurtuta, %0,6 jaitsi da.

Euskal AE-ko Industri Produkzioaren Indizearen urte arteko hiruhileroko

hazkunde zuzendua, 1997-2003

(*)2003ko otsaileko urte arteko hazkunde zuzendua

Iturria: EUSTAT.

2003ko otsailean, urte arteko aldakuntzarik positiboenak sektore hauei egokitu zaizkie: zurgintza (%17,0), makineria (%6,9), garraio-materiala (%5,4), kautxua eta plastikoa (%4,9) eta material elektrikoa (%3,8) arloei, besteak beste.

Urte arteko tasarik negatiboenak, berriz, honako hauek izan dituzte: petrolioa fintzea (%-22,9), metalezko eta ez-metalezko meak (%-15,2), larruaren eta oinetakoen industria (%-9,6), bestelako manufakturak (%-7,3) eta ez-metalezko industria (%-3,2) arloek, batik bat.

Ondasunen helburu ekonomikoka, 2003ko otsailean guztien urte arteko tasak igo dira, intentsitate desberdina izan arren: bitarteko ondasunek eta ekipo-ondasunek %4,3 eta %3,2ko tasa positiboak izan dituzte, hurrenez hurren; eta kontsumo-ondasunek, aldiz, %0,3ko bilakaera positibo neurritsuagoa.

Industri Produkzioaren Indize Orokorrak bilakaera desberdina izan du hiru herrialdeetan: alde batetik, Gipuzkoak izan du urte arteko hazkunderik handiena, %4,4koa, eta ondoren Bizkaiak neurritsuagoa, %2,0koa. Bestetik, Arabak ez du aldaketarik izan aurreko urteko otsailaren aldean.

Taula: 2003ko OTSAILA. Euskal AEko Industri Produkzioaren Indizearen aldakuntza-tasa (%)

(*) Lanegunez zuzendua.

Iturria: EUSTAT