2003ko martxoan, Euskal AEko Eraikuntzaren Kostuen Indize Orokorra %0,1 igo zen eta martxorako urte arteko tasa %3,1era iritsi zen, Eustaten datuen arabera. Lehengaien kostuaren hazkundeak (%0,2) markatu du martxoko indize orokorra, beste osagaia, hau da, lan-eskuaren kostua ez baita aldatu aldi horretan.

Urte arteko aldakuntza-tasak, 1995-2003

(*)eskainitako gehikuntza martxoko urte artekoa da.

Iturria: EUSTAT

Urte arteko aldian (2003ko martxoa, 2002ko martxoarekin alderatuta), lan-eskuaren kostua %4,0 igo da eta lehengaien kostua, berriz, %2,4.

2003ko martxoko guztizko kostuen hazkundea era desberdinean banatu da bi azpisektore nagusien artean: Eraikinak azpisektoreko kostuak %0,2 igo dira eta obra zibila azpisektorekoak, ostera, mantendu egin dira erreferentzia-hilean (%0,0). Hala ere, bi azpisektore horien urte arteko bilakaeran, gehiago igo dira Obra zibileko kostuak (%3,7) Eraikinekoak (%2,9) baino.

Sektoreak kontsumitutako lehengaien artetik, 2003ko martxoan, hauek izan dituzte inflazio-tasarik handienak: produktu asfaltikoak (%5,4), plastikozko hoditeria (%3,8) eta karea, igeltsua eta eskaiola (%1,7). Bestalde, hileko batez besteko prezioen jaitsiera izan dute honako lehengaiek: metalezko hoditeria (%-1,2), pinturak eta bernizak (%-0,9), petroliotik eratorriak (%-0,9) eta kristala (%-0,7) lehengaiek, besteak beste.

Iturria: EUSTAT