2003ko apirilean, Euskal AEko Eraikuntzaren Kostuen Indize Orokorra %0,3 jaitsi zen eta apirilerako urte arteko tasa %2,5era iritsi zen, Eustaten datuen arabera. Lehengaien kostuaren jaitsierak (%-0,5) markatu du apirileko indize orokorra, beste osagaia, hau da, lan-eskuaren kostua ez baita aldatu aldi horretan.

Urte arteko aldakuntza-tasak, 1995-2003

(*)eskainitako gehikuntza apirileko urte artekoa da.

Iturria: EUSTAT

Urte arteko aldian (2003ko apirila, 2002ko apirilarekin alderatuta), lan-eskuaren kostua %4,0 igo da eta lehengaien kostua, berriz, %1,4.

2003ko apirileko guztizko kostuen jaitsiera era desberdinean banatu da bi azpisektore nagusien artean: erreferentzia-hilean, Eraikinak azpisektoreko kostuak %0,1 jaitsi dira eta obra zibila azpisektorekoak are nabarmenago (%-0,8). Hala ere, bi azpisektore horien urte arteko bilakaeran, biak igo dira era berean, Obra zibileko kostuak eta Eraikinekoak ere %2,5 igo baitira.

Sektoreak kontsumitutako lehengaien artetik, 2003ko apirilean, hauek izan dituzte inflazio-tasarik handienak: leherkariak eta gasak (%1,1), plastikozko hoditeria (%0,9) eta energia elektrikoa (%0,9). Bestalde, hileko batez besteko prezioen jaitsiera izan dute honako lehengaiek: petroliotik eratorritakoak (%-14,1), kristala (%-1,5), karea, igeltsua eta eskaiola (%-0,9) eta estrakzio-agregakinak (%-0,5) lehengaiek, besteak beste.

Iturria: EUSTAT