2003ko apirilean, %4,2 jaitsi zen Euskal AEko industri jarduera, 2002ko hil beraren aldean, 2003ak aurreko ekitaldiak baino bi lanegun gutxiago izan dituelako, EUSTATek landutako datuen arabera. Datuak balio homogeneotan neurtu ahal izateko lan-egutegiaren eragina zuzenduta, apirileko urte arteko tasak %3,9ko aldakuntza positiboa agertzen du.

Datu horiekin, urteko lehenengo lau hilabeteetako tasa metatuak, aurreko urteko aldi beraren aldean, %1,4ko hazkundea izan du balio absolutuetan neurtuta, eta %1,2koa lan-egutegiaren balio homogeneotan neurtuta.

2003ko apirilean, urte arteko aldakuntzarik positiboenak, balio homogeneotan, sektore hauei egokitu zaizkie: metalezko eta ez-metalezko meak, ehungintza eta jantzigintza eta petrolioa fintzea arloei %20tik gorako tasekin, eta material elektrikoa (%12,9), kautxua eta plastikoa (%11,5), eta ez-metalezko industria (%10,5) arloei, besteak beste.

Urte arteko hazkunde-tasa negatiboak, berriz, honako hauek izan dituzte: larruaren eta oinetakoen industria (%-10,8), elikagai-industria (%-5,0), makineria (%-3,7), bestelako manufakturak (%-3,2) eta zurgintza (%-2,8) arloek, batik bat.

Ondasunen helburu ekonomikoka, 2003ko apirilean, igo egin da, balio homogeneotan bitarteko ondasunen (%5,0) urte arteko tasa, baina jaitsierak izan dituzte kontsumo-ondasunen (%-1,2) eta ekipo-ondasunen (%-0,2) tasek.

Urteko lehenengo lauhilekoan, hazkunde metatu handienak sektore hauei egokitu zaizkie: ehungintza eta jantzigintza (%6,5), kautxua eta plastikoa (%6,1), material elektrikoa (%6,0) eta garraio-materiala (%5,3), arloei, besteak beste.

Tasa metaturik negatiboenak, berriz, honako hauek izan dituzte: larruaren eta oinetakoen industria (%-15,8), bestelako manufakturak (%-8,7), elikagai-industria (%-3,6) eta petrolioa fintzea (%-2,0) arloek, batik bat.

Lehenengo lauhileko honetan, aldakuntza metatuek honako datuak ematen dizkigute: bitarteko ondasunek (%2,4) eta ekipo-ondasunek (%0,5) hazkundeak izan dituzte, baina kontsumo-ondasunek %2,6ko jaitsiera izan dute.

Lehenengo lauhilekoko joera positiboa izan da hiru herrialdeetan: hazkundeak neurritsuak izan dira Araban (%0,4) eta Gipuzkoan (%0,6) eta Bizkaia (%2,1) izan da hazkunde-tasarik altuena izan duen herrialdea.