2002ko Jaiotzen Estatistikaren behin-behineko datuek 18.051 jaiotza agertu dituzte eta Euskal AEko egoiliarrek erkidegotik kanpo izandako erditzeen inguruko datuen faltan, %2,3ko hazkundea ageri da 2001 urtearen aldean, Eustaten datuen arabera.

Euskal AEn 2002ko laugarren hiruhilekoan jaiotako 4.531 umeetatik 1.522 urrian jaio ziren, 1.466 azaroan eta 1.543 abenduan. Lurraldez lurralde, Araban 619 ume jaio ziren, Bizkaian 2.373 eta Gipuzkoan 1.539.

Jaiotza-hurrenkeraren arabera, erdiak baino gehiago, 2.695 ume (%59,5), lehenengo seme-alabak izan ziren; 1.561 ume (%34,5) aurretik beste bat zegoen familietara iritsi dira; eta 275 ume (%6,1) laugarren eta ondorengo seme-alabak dira.

Lau jaiotzatik hiru 30 urtetik gorako amei dagozkie

Jaiotzak amaren adinaren arabera banatzen baditugu, ikusiko dugu 30-34 urteko amen taldea oraindik ere nagusi dela argi eta garbi, horien artean izan baitira erditzeen %44,4. Talde horren ondotik, hurrengo goragoko taldea dago, hau da, 35-39 urte artekoa (%26,8) eta 25-29ko taldea beherago geratu da, erditzeen %19,6 ekarri baititu. 20-24ko taldeak, berriz, %4,7 besterik ez du ekarri.

40 urtetik gorakoen ama-taldeak (%3,5) gainditu egin du 20 urte baino gutxiagokoen taldea (%1).

Ezkontzaz kanpo jaioek guztizkoaren %18,6 hartzen dute, 2001eko laugarren hiruhilekoan baino gehiago. Herrialdeka, Araban (%21,2) eman da ehunekorik handiena, ondoren Gipuzkoan (%19,2) eta azkenik, Bizkaian (%17,6).