2003ko maiatzean, Euskal AEko Eraikuntzaren Kostuen Indize Orokorra ez zen aldatu apirilekotik eta maiatzerako urte arteko tasa %3,3ra iritsi zen, Eustaten datuen arabera. Urteko lehen bost hilabeteetako tasa %3,1 igo da iazko abenduaren aldean.

Urte arteko aldian (2003ko maiatza, 2002ko maiatzarekin alderatuta), lan-eskuaren kostua %5,8 igo da eta lehengaien kostua, berriz, %1,5.

Azpisektore nagusiek kontrajarritako eragina izan dute eta horrek ekarri du 2003ko maiatzean kostuak mantentze hori: Eraikinak azpisektoreko kostuak %0,1 igo dira eta Obra Zibila azpisektorekoak, berriz, %0,2 jaitsi dira. Hala ere, bi azpisektore horien urte arteko bilakaeran, biak igo dira antzera: Eraikineko kostuak %3,3 igo dira eta Obra Zibilekoak %3,1.

Sektoreak kontsumitutako lehengaien artetik, 2003ko maiatzean, hauek izan dituzte inflazio-tasarik handienak: kristala (%4,5), karea, igeltsua eta eskaiola (%2,0), energia elektrikoa (%1,7) eta burdina eta altzairua (%0,9) lehengaiek. Bestalde, hileko batez besteko prezioen jaitsiera izan dute honakoek: petroliotik eratorritakoak (%-4,7), plastikozko hoditeria (%-0,4) eta leherkariak eta gasak (%-0,2) lehengaiek, besteak beste.